కెరీర్‌ స్టార్టింగ్‌ నుంచి వైవిధ్యమైన సినిమాలు చేస్తున్న శర్వానంద్ త్వరలో మరో డిఫరెంట్ పాత్రలో కనిపించనున్నాడు. రీసెంట్ గా పడి పడి లేచే మనసు సినిమాతో నిరాశపరిచిన శర్వా, తదుపరి చిత్రం సుధీర్‌ వర్మ దర్శకత్వంలో చేస్తున్నాడు. ఈ సినిమాలో శర్వా రెండు డిఫరెంట్ లుక్స్‌లో కనిపించనున్నాడు. వీటిలో ఒకటి యంగ్ లుక్ తో ఉన్న పాత్ర కాగా మరో పాత్రలో వయసైన వ్యక్తిగా కనిపించనున్నాడట.
శర్వానంద్ సరసన హలో ఫేం కల్యాణీ ప్రియదర్శన్‌ హీరోయిన్‌గా నటిస్తున్న ఈ సినిమాను సితార ఎంటర్‌టైన్మెంట్స్ బ్యానర్‌పై నిర్మిస్తున్నారు. ఇప్పటివరకూ ఈ చిత్రం టైటిల్ ని ఖరారు చేయలేదు. అలాగే ఫస్ట్ లుక్ ని వదలలేదు. అయితే ఈ చిత్రం ఫస్ట్ లుక్ ని మే 25 న అంటే శనివారం విడుదల చేయబోతున్నారు. ఈ మేరకు ప్రీ లుక్ ని వదిలారు.
ఇక ఈ చిత్రానికి రణరంగం అనే టైటిల్ ని ఫైనల్ చేసారని సమాచారం. రీసెంట్ గా రామ్ చరణ్ హీరోగా వచ్చిన రంగస్దలం హిట్ కావటంతో ఇప్పుడీ టైటిల్ ని సెంటిమెంట్ గా పెడుతున్నట్లు చెప్పుకుంటున్నారు. ఈ గ్యాంగ్‌స్టర్‌ డ్రామాలో కాజల్‌ అగర్వాల్, కల్యాణీ ప్రియదర్శన్‌ హీరోయిన్స్. పీడీవీ ప్రసాద్, సూర్యదేవర నాగవంశీ నిర్మిస్తున్నారు.