ఆమధ్య అమెరికాకి వెళ్లి రెండు నెలలు అక్కడే సాయి ధరమ్ తేజ గడిపారు. దాంతో చాలామంది లైపో సర్జరీ కోసం, హెయిర్ సర్జరీ కోసం అని మాట్లాడుకున్నారు…ఈ విషయమై మీడియాతో మాట్లాడుతూ ఖండించారు సాయి.
కిషోర్‌ తిరుమల దర్శకత్వంలో సాయిధరమ్‌ తేజ్‌ హీరోగా రూపొందిన చిత్రం ‘చిత్రలహరి’. ఇందులో కల్యాణీ ప్రియదర్శన్, నివేదా పేతురాజ్‌ హీరోయిన్స్ గా నటించారు. మైత్రీ మూవీమేకర్స్‌ పతాకంపై నవీన్‌ ఎర్నేని, మోహన్‌ చెరుకూరి, రవిశంకర్‌ నిర్మించిన ఈ చిత్రం రేపు విడుదలవుతోంది. ఈ సందర్భంగా హీరో సాయిధరమ్‌ తేజ్‌ మీడీయాతో మాట్లాడారు.
సాయి మాట్లాడుతూ….”హెయిర్ సర్జరీ కోసం, లైపోసక్షన్‌ కోసమే నేను యూఎస్‌ ట్రిప్‌ వెళ్లాననే ప్రచారం జరిగింది. అది నిజం కాదు. ‘విన్నర్‌’ సినిమా సమయంలో హార్స్‌రైడింగ్‌ వల్ల బాగా గాయపడ్డాను. ఆ గాయాలను పెద్దగా సీరియస్‌గా తీసుకోలేదు. ఆ తర్వాత సినిమాలు చేసుకుంటూ వెళ్తున్నాను.
‘తేజ్‌ ఐ లవ్‌యూ’ సినిమా టైమ్‌కి జిమ్‌కి వెళ్లి కసరత్తులు చేస్తున్న టైమ్‌కి ఆ గాయాలు బాగా ఇబ్బంది పెట్టాయి. యూఎస్‌లోని స్పోర్ట్స్‌ ఫిజియో దగ్గర అపాయింట్‌మెంట్‌ తీసుకుని అక్కడికి వెళ్లాను. అప్పటితో పోలిస్తే ఇప్పుడు చాలా ఫిట్‌గా ఉన్నాను” అన్నారు.