అరవింద సమేత వీర రాఘవ సినిమా విజయంతో పూజా హెగ్డే ఈరోజు తన 28వ జన్మదినాన్ని ఆనందంగా జరుపుకుంటుంది. 2010లో మిస్ యూనివర్స్ పోటీల్లో రెండవ స్థానంలో గెలుపొందిన పూజ 2012లో తమిళ సినిమా “మూగమూడి ” (మాస్క్) తో హీరోయిన్ గా సరికొత్త జీవితం ప్రారంభించింది ఈ చిత్రంలో జీవా ప్రక్కన నటించింది . ఐయితే ఈ సినిమా ప్లాప్ అయ్యింది.
2014లో ఒక లైలా కోసం, ముకుంద సినిమాలతో తెలుగులో పరిచయం అయ్యింది. ఈ రెండు సినిమాలు పూజకు నిరాశనే కలిగించాయి. 2016లో పూజ ఊహించని విధంగా అశుతోష్ గోవారికర్ దర్శకత్వంలో మొహేనజదారో అనే హిందీ చిత్రంలో అవకాశం వచ్చింది. ఈ సినిమాతో బాలీవుడ్లో ప్రవేశించిన పూజకు వూహించని దెబ్బ తగిలింది. ఆ సినిమా ప్లాప్ అయ్యింది . ఆ తరువాత తెలుగులో అల్లు అర్జున్ “దువ్వాడ జగన్నాథం “సినిమాలో అవకాశం వచ్చింది. ఈ సినిమా కూడా ఓహో అనిపించలేదు.
సూపర్ డూపర్ హిట్ అయిన రంగస్థలలో జిగేలు రాణి పాటలో నటించింది . ఈ పాట పెద్ద హిట్ అయ్యింది. బెల్లంకొండ శ్రీనివాస్ తో సాక్ష్యం సినిమాలో నటించినా అదికూడా హిట్ కాలేదు. త్రివిక్రమ్ దర్శకత్వంలో ఎన్టీఆర్ హీరోగా నటించిన “అరవింద సమేత ..” రెండు రోజుల క్రితం విడుదలై 36 కోట్ల రూపాయలను వసూలు చేసి విజయ పధం లో దూసుకు పోతుంది. ఈ సినిమా టైటిల్ తన మీద పెట్టి తన పాత్రకు ఎంతో ప్రాధాన్యమిచ్చారు.
ఈరోజు పూజ హెగ్డే జన్మదినం. తన చిత్ర జీవితంలో ఇది మర్చిపోలేని, మధురమైన పుట్టిన రోజని తెగ సంతోష పడిపోతుంది. ఇక తన సినిమా జీవితం విజయవంతంగా సాగిపోతుందని పూజ భావిస్తుంది.
