డాల్ఫిన్ ఎంటర్టైన్మెంట్, మారుతి టాకీస్ సంయుక్తంగా నిర్మిస్తున్న చిత్రం ఫస్ట్ ర్యాంక్ రాజు. మంజునాథ్ కంద్కూర్ నిర్మాత. స్టోరీ, స్క్రీన్‌ప్లే, డైరెక్షన్ హెచ్.ఎన్. నరేష్ కుమార్. చేతన్ మద్దినేని, కాశిష్ వోరా జంటగా నటిస్తున్నారు. ఈ చిత్ర టీజర్ రిలీజైంది. టీజర్ చాలా ఇంట్రస్టింగ్ గా ఉంది.
ఈ సందర్భంగా మారుతి మాట్లాడుతూ.. ‘‘నరేష్ కుమార్ చెప్పిన కథ చాలా బాగుంది. మంచి కమర్షియల్ ఎంటర్‌టైనర్ ఇది. ఫస్ట్ ర్యాంక్ రాజు అనే క్యాచీ టైటిల్ సినిమాకు బాగా ప్లస్ అవుతుంది. ముఖ్యంగా యూత్ ఫుల్ ఎంటర్‌టైనర్‌గా దర్శకుడు తీర్చిదిద్దుతున్నాడు. ఈ సినిమా అందరికీ మంచి పేరు తెస్తుందని ఆశిస్తున్నాను..’’ అని అన్నారు.
నిర్మాత మంజునాథ్ మాట్లాడుతూ… ‘‘డాల్ఫిన్ ఎంటర్టైన్మెంట్, మారుతి టాకీస్‌తో కలిసి నిర్మిస్తున్న మా చిత్రం ఫస్ట్ ర్యాంక్ రాజు. గోల్డెన్ హ్యాండ్ మారుతి గారి క్లాప్‌తో ఈ చిత్రాన్ని ప్రారంభించాం. రెగ్యులర్ షూటింగ్ కూడా చేస్తున్నాం. పూర్తి కమర్షియల్ ఎంటర్‌టైనర్ ఇది. హిలేరియస్ కామెడీ‌తో పాటు మంచి మెసేజ్ కూడా ఉంటుంది. మా దర్శకుడు నరేష్ చెప్పిన కథ అద్భుతంగా ఉంది. సినిమా కూడా అంతే బాగా వస్తుందని నమ్ముతున్నాం..’’ అని అన్నారు.
దర్శకుడు నరేష్ మాట్లాడుతూ… ‘‘మారుతి గారి ఆశీస్సులతో ఈ సినిమా ప్రారంభమైంది. ఆయన మాకు బ్యాక్ బోన్‌‌గా ఉన్నారు. నేను చెప్పిన కథ నచ్చి ఈ ప్రాజెక్ట్‌ను ముందుకు తీసుకెళ్తున్న మా నిర్మాతలకు చాలా థ్యాంక్స్. హీరోగా చేతన్‌కు ఈ సినిమా మంచి పేరు తెస్తుంది. డైరెక్టర్‌గా నాకు మంచి గుర్తింపు తెచ్చే చిత్రంగా ఉంటుంది. నిర్మాతలకు కాసులు కురిపించే విధంగా సినిమా కథ కుదిరింది. అన్ని వర్గాల ప్రేక్షకుల్ని ఎంటర్‌టైన్ చేసే విధంగా ఉంటుందీ చిత్రం..’’ అని అన్నారు.