సుమక్క, వంటలక్క ఈ రెండు పేర్లు తెలుగు ప్రేక్షకులు కచ్చితంగా వినే ఉంటారు. ఈ ఇద్దరి గురించి తెలియని తెలుగు మహిళామణులు ఉన్నారంటే ఎవ్వరూ నమ్మరు. బుల్లితెరపై ఇద్దరిదీ ఓ సంచలనమే. అయితే సుమది మాత్రం యేళ్ల తరబడి కష్టం. వంటలక్క ఒకే ఒక్క సీరియల్‌తో వచ్చిన క్రేజ్. సుమ బుల్లితెరపై కెరీర్‌ను మొదలుపెట్టి.. మధ్యలో వెండితెరపై నటించి మొత్తం బుల్లితెర మహారాణిగా ప్రేక్షకాదరణ సంపాదించుకుంది.
ఇక కార్తీక దీపం సీరియల్‌తో ప్రేమీ విశ్వనాథ్ అలియాస్ దీప అలియాస్ వంటలక్క రెండు తెలుగు రాష్ట్రాల్లోని మహిళలకు ఫేవరెట్. మహిళల ఆత్మ గౌరవానికి ప్రతీకగా నిలిచిన వంటలక్కకు స్టార్ హీరోయిన్ కంటే ఎక్కువ ఫాలోయింగ్ ఉంది. కేవలం బుల్లితెరపైనే కాదు సోషల్ మీడియాలోనూ కార్తీక దీపం, వంటలక్క డామినేషన్ కనిపిస్తుంది. మీమ్స్‌లో వంటలక్క పాత్ర, డైలాగ్‌లో ఓ రేంజ్‌లో వైరల్ అవుతుంటాయి.
అలాంటి సంచలనాలు సృష్టించిన ఈ ఇద్దరు ఒకే వేదికపైకి వచ్చారు. ఈ మేరకు సుమ చేసిన పోస్ట్ తెగ వైరల్ అవుతోంది. ఈ ఇద్దరూ ఇక్కడ ఏం చేస్తున్నారు? గెస్ చేస్తూ ఉండండి అంటూ ఓ క్యూరియాసిటినీ పెంచింది సుమ. అయితే వీరిద్దరు దసరా ఈవెంట్ కోసం ఏమైనా స్పెషల్ ప్రోగ్రాంలు, పూజలు చేయడానికి వచ్చి ఉంటారని నెటిజన్లు కామెంట్లు చేస్తున్నారు. మరి ఆ స్పెషల్ ఈవెంట్ ఏంటో చూడాలి. ఇలా ఈ ఇద్దరూ ఒక చోట కలిశారంటే ఇక రచ్చ రచ్చే.