అల్లు అర్జున్ .. టాలీవుడ్ స్టార్ హీరోలలో ఒకరైన ఈ మెగా హీరో , ఇండస్ట్రీలో స్టైల్ కి కేరాఫ్. సినిమా సినిమాకి తన మేకోవర్ లో పూర్తి మార్పులు చేస్తూ ఎప్పటికప్పుడు అభిమానులకి కొత్తదనం పరిచయం చేస్తుంటాడు.
ఇక బన్నీ డ్యాన్స్ గురించి అయితే ప్రత్యేకంగా చెప్పాల్సిన పనిలేదు.తెలుగుసినిమా ఇండస్ట్రీ లో ఉన్న బెస్ట్ డ్యాన్సర్లలో అల్లు అర్జున్ మొదటి వరుసలో ఉంటాడు. మలయాళ సినీ రంగంలో బన్నీకి విశేషమైన పాపులారిటీ ఉంది. కన్నడ‌లో కూడా ఆయనకు మంచి అభిమానగణం ఉంది.
ఇక ఈ ఏడాది మొదట్లో విడుదలైన బన్నీ అల వైకుంఠపురంలో ఇండస్ట్రీ హిట్ గా నిలిచింది. త్రివిక్రమ్ దర్శకత్వం లో వచ్చిన ఈ సినిమా సూపర్ డూపర్ హిట్ గా నిలిచింది. అల్లు అర్జున్ స్టైల్ , త్రివిక్రమ్ మార్క్ పంచ్ డైలాగ్స్ , థమన్ మ్యూజిక్ సినిమాని మరో లెవెల్ కి తీసుకుపోయింది. దీనితో రిలీజ్ అయిన సమయం నుండి ఈ సినిమా రికార్డ్స్ ను సృష్టిస్తూనే ఉంది. ఇప్పటికే పలు రికార్డ్స్ సొంతం చేసుకున్న ఈ సినిమా తాజాగా మరో రికార్డ్ ను అందుకుంది. అయితే సౌత్ నుండి ఆ రికార్డ్ అందుకున్న ఒకే ఒక హీరో అల్లు అర్జున్ మాత్రమే కావడం విశేషం.
ఈ ఏడాది ఎక్కువమంది చూసిన ట్రైలర్ల టాప్ 20 జాబితాలో బన్నీ అల వైకుంఠపురంలో ట్రైలర్ చోటు దక్కించుకుంది. దక్షిణాది నుండి ఈ జాబితాలో బన్నీ చిత్రం ఒక్కటే ఉండటం విశేషం. ఇక అల్లు అర్జున్ కి సోషల్ మీడియా లో విపరీతమైన ఫాలోయింగ్ ఉన్న సంగతి తెలిసిందే. ఇక పొతే ప్రస్తుతం బన్నీ సుకుమార్ దర్శకత్వంలో పుష్ప సినిమాలో నటిస్తున్నాడు.