టాలీవుడ్ అగ్ర హీరోలే ఆయ‌న బుట్ట‌లో ..!
ఒకే ఒక్క సినిమా ఆ డైరెక్ట‌ర్ ఫేట్ మార్చేసింది. ఆ ఒక్క సినిమాతోనే ఇటు సౌత్ అటు నార్త్ రెండు చోట్లా అసాధార‌ణ క్రేజు తెచ్చుకున్నాడు. అప్ప‌టివ‌ర‌కూ అస‌లు ఆ డైరెక్ట‌ర్ ఎవ‌రో ఎవ‌రికీ తెలీదు. ఆయ‌నే ప్ర‌శాంత్ నీల్. అప్ప‌టివ‌ర‌కూ క‌న్న‌డ ఇండ‌స్ట్రీ వ‌ర‌కే ప‌రిమిత‌మైన ఆయ‌నపై కేజీఎఫ్ రిలీజ్ త‌ర్వాత టాలీవుడ్ కోలీవుడ్ స‌హా బాలీవుడ్ నుంచి భారీ ఆఫ‌‌ర్లు వ‌చ్చాయి. కానీ ప్ర‌శాంత్ నీల్ క‌న్ను మాత్రం ప‌లువురు టాలీవుడ్ టాప్ స్టార్ల‌పైనే ఉంది.
అలాంటి క్రేజీ హీరోల్లో ఎన్టీఆర్.. ప్ర‌భాస్.. బ‌న్ని.. చ‌ర‌ణ్ .. మ‌హేష్ లాంటి వాళ్లు ఉన్నారు. వీళ్లంతా ప్ర‌శాంత్ తో ఓ సినిమా చేసేందుకు ప్ర‌పోజ్ చేసిన‌వాళ్లే. అయితే వీళ్ల‌లో తొలిగా ఎన్టీఆర్ తో సినిమాకి క‌మిట‌య్యాడు ప్ర‌శాంత్ నీల్. మైత్రి మూవీ మేక‌ర్స్ అధికారికంగానే ఈ ప్రాజెక్టును ప్ర‌క‌టించింది. ఇప్పటికే ఎన్టీఆర్ కి ప‌లుమార్లు స్క్రిప్టును వినిపించిన ప్ర‌శాంత్ నీల్ ఆల్మోస్ట్ ఖాయం చేసేసుకున్నాడు. ఇటీవ‌ల వీడియో కాన్ఫ‌రెన్స్ ద్వారా మ‌రోసారి తార‌క్ కి స్క్రిప్టు వినిపించాడ‌న్న చ‌ర్చ కూడా సాగింది.
ఈ ప్రాసెస్ ఇలా సాగుతుండ‌గానే అత‌డు డార్లింగ్ ప్ర‌భాస్ తో కూడా ప్రాజెక్టును ఖాయం చేసుకున్నాడ‌న్న గుస‌గుస వినిపిస్తోంది. ప్ర‌భాస్ ప్ర‌స్తుతం రాధేశ్యామ్ చిత్రీక‌ర‌ణ ముగించి.. నాగ్ అశ్విన్ ద‌ర్శ‌క‌త్వంలో సైన్స్ ఫిక్ష‌న్ మూవీలో న‌టించేందుకు ప్రిపేర‌వుతున్నాడు. త‌దుప‌రి ప్ర‌శాంత్ నీల్ ద‌ర్శ‌క‌త్వంలో న‌టించనున్నాడ‌ని గుస‌గుస‌లు వినిపిస్తున్నాయి. ఈ మూవీని కేజీఎఫ్ నిర్మాణ సంస్థ హోంబ‌లే ఫిలింస్ నిర్మించ‌నుంది. ఆ మేర‌కు విజ‌య్ కిరంగ‌దుర్ ప్ర‌ణాళిక‌ల్ని సిద్ధం చేస్తున్నార‌ట. కేజీఎఫ్ .. కేజీఎఫ్ 2 త‌ర్వాత మ‌రో సినిమాని ఇదే బ్యాన‌ర్ కి క‌మిటైన ప్ర‌శాంత్ నీల్ ఇప్పటికే మాటిచ్చేశాడ‌ట. అలాగే అత‌డు ప్ర‌భాస్ కి క‌థ‌ను వినిపించి స్క్రిప్టును డెవ‌ల‌ప్ చేసే ప‌నిలో ఉన్నాడ‌న్న గుస‌గుస‌లు వినిపిస్తున్నాయి.
య‌ష్ ఓ డ్రైవ‌ర్ కొడుకు. కేజీఎఫ్ చిత్రంతో అత‌డు ఇప్పుడు పాన్ ఇండియా స్టార్ గా ఎదిగేశాడు. ఈ క్రెడిట్ ప్ర‌శాంత్ నీల్ కే ద‌క్కుతుంది. ఇక ఎన్టీఆర్ ఆర్.ఆర్.ఆర్ సినిమాతో పాన్ ఇండియా స్టార్ అవుతున్నాడు. ప్ర‌భాస్ ఇప్పటికే పాన్ ఇండియా స్టార్ నుంచి పాన్ వ‌ర‌ల్డ్ స్టార్ గా ప్ర‌మోట‌వుతున్నాడు నాగ్ అశ్విన్ సినిమాతో. అంటే పాన్ వ‌ర‌ల్డ్ స్టార్ గా ఎదిగేసిన ప్ర‌భాస్ కి ప్ర‌శాంత్ నీల్ స్కెచ్ వేశాడ‌న్న‌మాట. అదేకాదు.. మ‌హేష్.. బ‌న్నీల‌తోనూ అత‌డు ఓ స్క్రిప్టును డిస్క‌స్ చేస్తున్నాడ‌న్న గుస‌గుస‌లు వినిపిస్తున్నాయి కాబ‌ట్టి అత‌డితోనూ సినిమా ఖాయం చేసే వీలుంది. కేజీఎఫ్ త‌ర్వాత చ‌ర‌ణ్ కూడా ప్ర‌శాంత్ పై ఆస‌క్తిని క‌న‌బ‌రిచారు. వీళ్లంతా పాన్ ఇండియా డైరెక్ట‌ర్ క్యూలో ఉన్న‌ట్టే మ‌రి.