ఇంతకు ముందు రోజుల్లో అభిమాన సంఘాలు, అభిమానులు అంటే వారికి ఉత్తరాలు రాయటం,వారితో ఇంట్రాక్ట్ అవటం వంటివి చేసేవారు హీరోలు. అయితే రోజులు మారాయి. అభిమానులు..బయిటే కాదు సోషల్ మీడియాలోనూ ఉంటున్నారు. ముఖ్యంగా మహేష్ లాంటి సూపర్ స్టార్ కు అయితే చెప్పక్కర్లేదు. సోషల్ మీడియాలో బాగా ఏక్టివ్ గా ఉండే మహేష్ కు ఫేస్ బుక్, ట్విట్టర్ తో పాటు ఇనిస్ట్ర్గగ్రామ్ లో కూడా ఎక్కౌంట్ ఉంది.
సోషల్ మీడియాలో ఎప్పటికప్పడు తన కొత్త చిత్రాలకు సంభందించిన అప్ డేట్స్, వేరే వారి చిత్రాల్లో మంచి అంశాలను అభినందించటం, ఫ్యామిలీ టూర్స్ వంటి విషయాలను ప్రస్దావిస్తూ లైవ్ లో ఉంచుతారు. దాంతో అభిమానులు ఆ అడ్ డేట్స్ ని షేర్ చేస్తూ తమ హీరో గురించిన వివరాలు తెలుసుకుంటూ ఆనందపడుతూంటారు. ఈ నేపధ్యంలో మహేష్ కు సోషల్ మీడియాలో రోజు రోజుకు అభిమానులు పెరిగిపోతున్నారు.
తాజాగా మహేష్ ట్విట్టర్ ఫాలోవర్స్ సంఖ్య 7 మిలియన్స్ చేరి ..ఎనిమిదవ మిలియన్ వైపు ప్రయాణం పెట్టుకుంది. దీంతో మహేష్ ఫ్యాన్స్ ఆనందం మాటల్లో చెప్పలేనిది. తమ హీరోకు పెరుగుతున్న ఫాలోయింగ్ చూసి మురిసిపోతున్నారు. ఈ నేపధ్యంలో మహేష్ తన అభిమానులకు ధాంక్స్ చెప్తూ ఓ పోస్ట్ పెట్టారు. ఇక కెరీర్ విషయానికి వస్తే.. ప్ర‌స్తుతం మహేష్ మ‌హర్షి అనే సినిమా చేస్తున్నాడు. ప్రముఖ దర్శకుడు వంశీ పైడిప‌ల్లి ద‌ర్శ‌క‌త్వంలో తెర‌కెక్కుతోంది.
