త‌మ్ముడు, ఖుషీ, జానీ, అత్తారింటికి దారేది వంటి చిత్రాల్లో పవన్ గొంతు స‌వ‌రించి పాటందుకున్న విష‌యం తెలిసిందే. కొత్త‌గా మ‌ళ్లీ కొత్త సినిమా కోసం పాట పాడ‌బోతున్నాడ‌ట. రెండేళ్ల విరామం త‌రువాత మ‌ళ్లీ కెమెరా ముందుకొచ్చిన ప‌వ‌ర్‌స్టార్ ప‌వ‌న్‌క‌ల్యాణ్ వ‌రుస‌గా సినిమాల్ని లైన‌ప్ చేశారు. ముందు `పింక్‌` రీమేక్‌ని మొద‌లుపెట్టిన పవన్ ఆ వెంట‌నే క్రిష్ చిత్రాన్ని కూడా సైలెంట్‌గా స్టార్ట్ చేసేశారు. 18వ శ‌తాబ్దానికి చెందిన మొఘ‌ల్‌ కాలం నాటి కోహినూర్ వ‌జ్రం నేప‌థ్యంలో ఈ సినిమాని రూపొందుస్తున్నారు.
తెలంగాణ రాబిన్ హుడ్ పండుగ‌ల సాయ‌న్న క‌థ ఆధారంగా పిరియాడిక్ స్టోరీగా ఏ.ఎం. ర‌త్నం ఈ చిత్రాన్ని నిర్మిస్తున్నారు. పాన్ ఇండియా స్థాయిలో అదిరిపోయే సెట్‌ల‌తో రూపొందుతున్న ఈ సినిమా కోసం పవన్ పాట‌పాడ‌బోతున్నార‌ట. జాన‌ప‌ద చిత్రం కావ‌డం, ప‌వ‌న్‌కు ప‌ల్లె జాన‌ప‌దాలంటే ఇష్టం వుండ‌టంతో ఆయ‌న‌తోనే ఓ పాట పాడించాల‌ని ద‌ర్శ‌కుడు క్రిష్ ఫిక్స‌య్యాడ‌ట. వెంట‌నే త‌న ఆలోచ‌న‌ను ప‌వ‌న్‌కు చెప్ప‌డం, పవన్ వెంట‌నే గ్రీన్‌సిగ్న‌ల్ ఇవ్వ‌డం జ‌రిగిపోయాయని తెలిసింది.
ఇప్ప‌టికే ఈ చిత్రం కోసం తాజ్ మ‌హ‌ల్‌, చార్మినార్, వాట‌ర్ ఫాల్స్ సెట్‌ని నిర్మించిన మేక‌ర్స్ తాజాగా ఓ ప‌డ‌వ సెట్‌ని కూడా నిర్మిస్తున్న‌ట్టు తెలిసింది.