క‌రోనా ప్ర‌బ‌లుతున్న వేళ దేశ వ్యాప్తంగా లాక్‌డౌన్‌ని విధించారు. దీంతో ప్ర‌తీ ఒక్క‌రూ స్వియ నిర్భంధంలోకి వెళ్లిపోయారు. ఈ క్వారెంటైన్ టైమ్‌ని ఎవ‌రికి తోచిన విధంగా వారు గ‌డిపేస్తున్నారు. ఇప్ప‌టికే లాక్‌డౌన్ 30 రోజులు పూర్తి కావ‌డంతో నిత్యం సోష‌ల్ మీడియాలో సెల‌బ్రిటీస్ హంగామా చేస్తున్నారు.
కొంత మంది న‌చ్చిన వంట‌కాలు చేస్తూ ఆక‌ట్టుకుంటుంటే పూజా హెడ్గే, నేహాశ‌ర్మ, ర‌కుల్ ప్రీత్‌సింగ్ లాంటి హీరోయిన్స్ వ‌ర్క‌వుట్‌లు చేస్తూనే కాళ్లు పైకి త‌ల క్రింద‌కి పెట్టి వెరైటీగా టీష‌ర్ట్స్ వేసుకుంటూ చిత్ర విచిత్ర ఆస‌నాలు వేస్తున్నారు. వంశీ `అనుమానాస్ప‌దం` త‌రువాత హీరోయిన్‌గా చెప్పుకోద‌గ్గ ఆఫ‌ర్లు లేని `మిర్చీ` పాప హంసా నందిని వెరైటీ వంట‌కాల‌తో ఆక‌ట్టుకుంటోంది.
తాజాగా క్వారెంటైన్ టైమ్‌ని ఇంటి ప‌ట్టునే వుంటూ ఎంజాయ్ చేస్తున్న హంస తాజాగా ఓ వీడియోని షేర్ చేసింది. హోమ్ మేడ్ పానీ పూరీని రెడీ చేసింది. ఓ వీడియోని సోష‌ల్ మీడియా ట్విట్ట‌ర్‌లో షేర్ చేసిన హంసా నందిని హోమ్ మేడ్ పానీ పూరీ అని ఆ వీడియోకు ట్యాక్ టైన్ ఇచ్చింది.
https://twitter.com/ihamsanandini/status/1253278013699117057