‘బాహుబలి’ తర్వాత చాలా కాలం గ్యాప్‌ తీసుకున్న ప్రభాస్ ఆ తర్వాత ‘సాహోస‌తో ప్రేక్ష‌కుల ముందుకు వచ్చాడు. ఇక ఆ చిత్రం టాక్ ప‌ర్వాలేద‌నిపించుకున్నా.. బాక్సాఫీస్ ముందు మాత్రం మంచి క‌లెక్ష‌న్లు రాబ‌ట్టింది. ప్ర‌స్తుతం ఇప్పుడు మరో చిత్రాన్ని చేయడానికి సన్నాహాలు చేసుకున్నాడు. ఈ చిత్రం గురించి ఇటీవలే కృష్ణంరాజు ఓ ఇంటర్వ్యూలో మాట్లాడుతూ… ప్రభాస్‌కు త్వరలో షూటింగ్‌లో పాల్గొనబోతున్నాడని వెల్లడించాడు. తాజా సమాచారం మేరకు సంక్రాంతి కనువ తెల్లారిరోజు అనగా శుక్రవారంనాడు ప్రభాస్ షూటింగ్‌లో పాల్గొన్నాడు. ఈ చిత్రం కోసం హైదరాబాద్‌ అన్నపూర్ణ స్టూడియోస్‌లో ఒక ప్రేత్యేక సెట్‌ను వెయ్యడం జరిగింది. అందులో ఓ గీతాన్ని చిత్రీకరించనున్నారు. ఈ విషయాన్ని శుక్రవారంనాడు చిత్ర యూనిట్‌ వెల్లడించింది. కృష్ణంరాజు స్వంత నిర్మాణ సంస్థ గోపికృష్ణ మూవీస్‌ ఈ చిత్రాన్ని నిర్మిస్తోంది.
ఎప్పటినుంచో ప్రభాస్‌తో సినిమా చేయాలనే ఆశయం ఈ ఏడాది కృష్ణంరాజుకు తీరింది. ఇందులో కృష్ణంరాజు కూడా ఓ ప్రత్యేక పాత్రలో కన్పించబోతున్నారు. భారీ బడ్జెట్‌ ప్యాన్‌ ఇండియన్‌ సినిమాగా తెరకెక్కబోతున్న ఈ చిత్రం హిందీ, తెలుగు, తమిళ్‌ భాషల్లో రూపొందనుంది. గోపికృష్ణ మూవీస్‌, యూవీ క్రియేషన్స్‌ సంస్థతో అనుబంధంగా చిత్రీకరణ జరుపుకోనున్న ఈ మూవీని స్టైలిష్‌ యాక్షన్‌ థ్రిల్లర్‌ ‘జిల్‌’ చిత్రాన్ని తెరకెక్కించిన దర్శకుడు రాధాకృష్ణ ఈ మూవీని డైరెక్ట్‌ చేస్తున్నాడు. పూజా హెగ్డే నాయికగా నటిస్తున్న ఈ చిత్రానికి సినిమాటోగ్రఫీ : మనోజ్‌ పరమహంస, ఎడిటర్‌ :శ్రీకర్‌ ప్రసాద్‌, ప్రొడక్షన్‌ డిజైనర్‌ : రవీందర్‌ సమర్పణ: కృష్ణంరాజు, నిర్మాతలు: ప్రమోద్‌, వంశీ, దర్శకుడు : కే కే రాధాకృష్ణ కుమార్‌.
మ‌రి ఈ చిత్రాన్ని ప్రభాస్ ఏ విధంగా తెర‌కెక్కిస్తారు. ఆయ‌న పాత్ర ఎలా ఉండ‌బోతుంది అన్న విష‌యాలు తెలియాల్సి ఉంది. అలాగే ఈ మ‌ధ్య కాలంలో పూజా హగ్డే మంచి ఊపు మీద ఉంద‌ని చెప్పాలి. ఇటీవలే పూజా న‌టించిన అల‌వైకుంఠ‌పురంలో చిత్రం మంచి హిట్ టాక్ ను తెచ్చుకుంది. అంత‌కు ముందు న‌టించిన మ‌హ‌ర్షి చిత్రం కూడా హిట్ టాక్‌ను సంపాదించుకుంది.