తెలుగులో మళ్ళీ కథానాయిక ప్రాధాన్యం ఉన్న సినిమాలకు తానె దిక్సూచి గా మారింది స్వీటీ అనుష్క. ఆమె గత సినిమా ‘భాగమతి’ తరువాత కొంచెం ఎక్కువ విరామమే తీసుకుని ఇప్పుడు ‘నిశ్శబ్దం’ అంటూ మన ముందుకు రాబోతోంది. అయితే ఈ సినిమాలో అనుష్క మాటలు రాని మూగ ఆర్టిస్ట్ గా కనిపించనుందట. ఇందుకోసం ఆమె గుర్తుల భాష (సైన్ లాంగ్వేజ్) కూడా నేర్చుకుందట.
ఈ సినిమాలో ఆమెకి సంబంధించి మొట్ట మొదటి ప్రచారం చిత్రం విడుదల చేసింది చిత్ర బృందం. దీనిలో ఆమె ఒక పెయింటింగ్ వేస్తూ ఎదో ధ్యాసలో ఉన్నట్టు కనిపిస్తుంది. ఇందులో ఆమె పేరు సాక్షి. ఇక ఈ సినిమాలో మాధవన్, షాలిని పాండే, మొదలైన వారు ఉన్నారు. ఇక ఈ చిత్రం చిత్రీకరణ పూర్తి చేసుకుని ప్రస్తుతం నిర్మాణానంతర పనుల్లో ఉంది .
ఈ సినిమా అధిక భాగం షూటింగ్ అమెరికాలోని సియాటల్ లో జరిగింది. ఈ చిత్రానికి హేమంత మదుర్కర్ దర్శకత్వం చేస్తున్నారు. పీపుల్ మీడియా ఫ్యాక్టరీ మరియు కోన ఫిలిం కార్పొరేషన్ సంయుక్తంగా ఈ చిత్రాన్ని నిర్మిస్తున్నారు.