‘చిత్రలహరి’ తో విజయం అందుకున్న సాయి ధరమ్ తేజ్ కెరీర్ గాడిలో పడినట్టే ఉంది. నేటి తరానికి నచ్చే సినిమాలు తీయడంలో సిద్ధ హస్తుడైన దర్శకుడు మారుతీ తో సాయి ధరమ్ తేజ్ సినిమా నిన్న ప్రారంభం అయింది. ఈ సినిమాకి ‘ప్రతీ రోజూ పండగే’ అనే టైటిల్ ఖరారు చేశారు. ఈ చిత్రానికి బన్నీ వాస్ నిర్మాత కాగా గీతా ఆర్ట్స్ మరియు యువి క్రియేషన్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. ఈ చిత్రంలో సాయి ధరమ్ తేజ్ సరసన రాశి ఖన్నా నటిస్తోంది. ఇది వీరిద్దరి కలయికలో రెండో చిత్రం.
ఇక ఈ సినిమాలోని కీలక పాత్రల్లో కట్టప్ప ‘సత్య రాజ్’ మరియు రావు రమేష్ నటిస్తున్నారు. దర్శకుడు మారుతి అత్యంత శ్రద్ధతో సత్య రాజ్ పాత్రను తీర్చి దిద్దారట.
కధ, దర్శకత్వం: మారుతి
నిర్మాత: బన్నీ వాసు
సంగీతం: ఎస్ ఎస్ థమన్
ప్రతీ రోజూ పండగే: సాయి ధరమ్ తేజ్-మారుతి చిత్రం ప్రారంభం
