కుత్బుల్లాపూర్ నియోజకవర్గ పరిధిలోని నిజాంపేట రాజీవ్ గృహకల్పలో టిఆర్ఎస్ కార్యకర్త గురువప్ప పార్టీ కార్యాలయంలోనే ఉరేసుకొని ఆత్మహత్యకు పాల్పడ్డాడు. తెలంగాణ ఉద్యమ సమయంలో గురువప్ప కీలకంగా పని చేశాడు. ఉద్యమ సమయంలో పెట్రోల్ పోసుకొని ఆత్మహత్యాయత్నం కూడా చేశాడు. తెలంగాణ రావాలని ఉద్యమంలో ముందుండి నడిచాడు.
తెలంగాణ వచ్చాక కూడా గురువప్ప టిఆర్ఎస్ పార్టీ కార్యక్రమాల్లో చురుకుగా పాల్గొంటున్నారు. తెలంగాణ కోసం ప్రాణమైన తీసుకుంటానని ప్రజల బాగు చూడాలని ఎప్పుడు అనేవాడని మిత్రులు తెలిపారు. ఎన్నికలు రావడంతో తన సైకిల్ పై గల్లీ గల్లీ తిరుగుతూ ప్రచారం చేశాడని వారు తెలిపారు. నిత్యం నాయకులు, కార్యకర్తలతో గురువప్ప గడిపేవాడన్నారు.
తెలంగాణ కోసం తీవ్రంగా శ్రమించిన గురువప్పకు పార్టీ నుంచి ఏ సహాయం అందలేదన్నారు. కుటుంబ పరిస్థితి అంతతే కావడంతో పార్టీ కోసం అప్పులు చేసి మరీ ఖర్చుపెట్టాడు. నాయకులను కలిసి తన పరిస్థితి వివరించినా కూడా వారి నుంచి ఎటువంటి సహయం రాకపోవడంతో గురువప్ప మనోవేదనకు గురయినట్టు తెలుస్తోంది. ఎన్నికల ప్రచారం స్వంతంగా నిర్వహిస్తుండటంతో అతనికి ఖర్చు పెరిగింది. ఏదో రోజు ఓ పదవి వస్తదనుకున్న గురువప్పకు నాయకుల నుంచి నిరాశే ఎదురైంది.
అప్పులు పెరగడం, కుటుంబ పరిస్థితి రోజు రోజుకు దిగజారడం నమ్ముకున్న పార్టీ ఆగం చేసిందన్న బాధలో గురువప్ప ఉరేసుకొని చనిపోయాడని కుటుంబ సభ్యులు ఆరోపిస్తున్నారు. శనివారం రాత్రి గురువప్ప పార్టీ కార్యాలయంలోనే ఉరేసుకొని చనిపోయాడు. విషయం తెలుసుకున్న పోలీసులు కేసు నమోదు చేసి దర్యాప్తు చేస్తున్నారు. టిఆర్ఎస్ పార్టీ గురువప్ప కుటుంబాన్ని ఆదుకోవాలని స్థానికులు డిమాండ్ చేశారు.
మరోవైపు మరికొంత మంది గురువప్పను హత్య చేసి ఆత్మహత్యగా చిత్రీకరిస్తున్నారని కొంత మంది గురువప్ప సన్నిహితులు అనుమానాలు వ్యక్తం చేస్తున్నారు. గురువప్ప కాళ్లు కిందికి తాకుతున్నాయని అంత చిన్న ప్రదేశం నుంచి ఉరేసుకునే అవకాశం లేదని వారంటున్నారు. గురువప్పకు అప్పులు ఎక్కువ కావడంతో తనకు ఆర్ధిక సహాయం చేయాలని కొంత మంది నేతలను అడగడంతో పాటు వారు చేస్తున్న అక్రమాలను బయటపెడతానని గురువప్ప వారిని హెచ్చరించినట్టు వారు తెలిపారు. అందుకే గురువప్పను చంపి వేయాలని ప్లాన్ వేసి ఉంటారని వారు అనుమానాలు వ్యక్తం చేస్తున్నారు. పార్టీ నేతలే హత్య చేసి ఆత్మహత్యగా చిత్రీకరిస్తున్నారని వారు ఆరోపించారు. హైదరాబాద్ నడిబొడ్డున ఘటన జరగడంతో అక్కడ ఉద్రిక్త పరిస్థితి ఏర్పడింది.
గురువప్ప ఉరేసుకొని చనిపోయిన వీడియో కింద ఉంది చూడండి.
https://youtu.be/JCZ0uuCCDVc