TS Inter Results: తెలంగాణ రాష్ట్ర ఇంటర్మీడియట్ బోర్డు (TGBIE) కీలక ప్రకటన చేసింది. రాష్ట్రవ్యాప్తంగా లక్షలాది మంది విద్యార్థులు ఎదురుచూస్తున్న ఇంటర్ ప్రథమ, ద్వితీయ సంవత్సర ఫలితాలను ఏప్రిల్ 12న (ఆదివారం) విడుదల చేసేందుకు బోర్డు అన్ని ఏర్పాట్లు పూర్తి చేసింది. ఈ ఏడాది ఫలితాల సేకరణలో విద్యార్థులు ఎలాంటి ఇబ్బందులు పడకుండా ప్రభుత్వం ఒక వినూత్నమైన డిజిటల్ సదుపాయాన్ని అందుబాటులోకి తీసుకువచ్చింది.
సాధారణంగా ఫలితాలు విడుదలైన సమయంలో వెబ్సైట్లపై ట్రాఫిక్ పెరిగి, సర్వర్లు నెమ్మదించడం లేదా మొరాయించడం జరుగుతుంటుంది. దీనివల్ల విద్యార్థులు తీవ్ర ఆందోళనకు గురవుతుంటారు. ఈ సమస్యను అధిగమించేందుకు ఐటీ శాఖ మంత్రి శ్రీధర్ బాబు ఆధ్వర్యంలో ‘మీసేవ వాట్సాప్ చాట్బాట్’ సేవలను ప్రభుత్వం సిద్ధం చేసింది. కేవలం ఒక్క వాట్సాప్ మెసేజ్తో సెకన్ల వ్యవధిలో ఫలితాలను పొందవచ్చు.
వాట్సాప్ ద్వారా ఫలితాలు పొందే విధానం: విద్యార్థులు మరియు తల్లిదండ్రులు క్రింది సులభమైన పద్ధతుల ద్వారా ఫలితాలను డౌన్లోడ్ చేసుకోవచ్చు.
నంబర్ సేవ్ చేసుకోండి: మొదట మీ మొబైల్లో 8096 95 8096 నంబర్ను సేవ్ చేసుకోవాలి.
హాయ్ (Hi) అని పంపండి: వాట్సాప్లో ఈ నంబర్కు ‘Hi’ అని మెసేజ్ పంపాలి.
మెనూ ఎంపిక: చాట్బాట్ నుండి వచ్చే రిప్లైలో ‘Menu’ పై క్లిక్ చేసి, అందులో ‘BIE Exam Result’ అనే ఆప్షన్ను ఎంచుకోవాలి.
సర్వీస్ ఓపెన్: అనంతరం ‘Open Service’ బటన్ను ప్రెస్ చేయాలి.
వివరాల నమోదు: అక్కడ మీ హాల్ టికెట్ నంబర్, సంవత్సరం (1st/2nd Year), స్ట్రీమ్ (General/Vocational) వివరాలను ఎంటర్ చేసి సబ్మిట్ చేయాలి.
ఫలితం సిద్ధం: వెంటనే మీ మార్కుల జాబితా స్క్రీన్పై కనిపిస్తుంది.
టెక్నాలజీని సామాన్యులకు దగ్గర చేయాలనే సంకల్పంతో ఐటీ శాఖ ఈ నిర్ణయం తీసుకుంది. ఇంటర్నెట్ వేగం తక్కువగా ఉన్నా, మారుమూల గ్రామాల్లో ఉన్న విద్యార్థులు కూడా తమ మొబైల్ డేటా ద్వారా సులభంగా మార్కులు తెలుసుకునే వీలుంటుంది. రేపు ఫలితాలు విడుదల కానున్న నేపథ్యంలో విద్యార్థులందరూ ఈ సౌకర్యాన్ని వినియోగించుకోవాలని అధికారులు సూచించారు.
