రెండు తెలుగు రాష్ట్రాల్లో అసెంబ్లీ ఎన్నికలు జరగడానికి చాలా సమయం ఉన్నా తెలుగు రాష్ట్రాల్లో ఎన్నికల ఫీవర్ ఇప్పటికే మొదలైంది. ‘ఆత్మసాక్షి’ గ్రూప్ తాజాగా సర్వే చేయగా రాష్ట్రంలో ఇప్పటికిప్పుడు ఎన్నికలు జరిగితే టీఆర్ఎస్ పార్టీ విజయం సాధిస్తుందని ఆ సర్వేలో వెల్లడైంది.తెలంగాణ రాష్ట్రవ్యాప్తంగా ఆత్మసాక్షి గ్రూప్ సర్వే చేసి ఈ విషయాలను వెల్లడించడం గమనార్హం. ‘ఆత్మసాక్షి’ గ్రూప్ సర్వే ప్రకారం టీఆర్ఎస్ కు 56 నుంచి 59 స్థానాలు రానున్నాయి.
ఆ తర్వాత కాంగ్రెస్ పార్టీ 31.5 శాతం ఓట్లతో 37 నుంచి 39 శాతం ఓట్లను సాధించే అవకాశం అయితే ఉందని సమాచారం అందుతోంది. భారతీయ జనతా పార్టీకి మాత్రం 14 నుంచి 16 సీట్లు వస్తాయని ఈ పార్టీకి 21 శాతం ఓట్లు వస్తాయని సర్వేలో తేలింది. ఆత్మసాక్షి గ్రూప్ సర్వేపై ప్రజల్లో కూడా మంచి అభిప్రాయం ఉండటంతో తెలంగాణ అసెంబ్లీ ఎన్నికల ఫలితాలు ఈ విధంగానే ఉండే అవకాశం అయితే ఉందని చెప్పవచ్చు.
టీఆర్ఎస్ ప్రభుత్వం రాష్ట్రంలో పుంజుకునే దిశగా అడుగులు వేస్తే బాగుంటుందని మరి కొందరు అభిప్రాయం వ్యక్తం చేస్తున్నారు. ఈ మూడు పార్టీల మధ్య ప్రధానంగా పోటీ ఉండే అవకాశం అయితే ఉండగా మజ్లిస్ కు 2.75 శాతం ఓట్లు, ఇతరులకు 3.25 శాతం ఓట్లు వచ్చే అవకాశం అయితే ఉంటుందని చెప్పవచ్చు. 1,88,000 శాంపిళ్లతో ఈ సర్వే జరిగిందని సమాచారం అందుతోంది.
గతంలో ఈ సంస్థ 18 రాష్ట్రాలలో సర్వేలు నిర్వహించగా 16 రాష్ట్రాల్లో సర్వేలో పేర్కొన్న ఫలితాలు రిపీట్ కావడం గమనార్హం. దళిత బంధు పథకం టీఆర్ఎస్ ప్రభుత్వానికి మైనస్ అయిందని కామెంట్లు వ్యక్తమవుతున్నాయి. ఈ పథకాన్ని సరిగ్గా అమలు చేయకపోవడంతో దళితులు టీఆర్ఎస్ పార్టీకి దూరంగా ఉన్నారని సమాచారం అందుతోంది. ఆత్మసాక్షి గ్రూప్ నియోజకవర్గాల వారీగా సర్వే చేసి సర్వే ఫలితాలను వెల్లడించడం గమనార్హం.