మాజీ మంత్రి వినోద్ తో కేటిఆర్ రహస్య చర్చలు జరిపారు. వినోద్ టిఆర్ ఎస్ పార్టీని వీడనున్నారని తెలియడంతో వినోద్ తో కేటిఆర్ చర్చించారు. టిఆర్ ఎస్ పార్టీని వీడొద్దని, ఎమ్మెల్సీ సీటు ఇస్తామని కేటిఆర్ వినోద్ కు ఆఫర్ ఇచ్చారు. దానికి వినోద్ విస్మయం వ్యక్తం చేసి ఎమ్మెల్యేగా పోటి చేస్తానని చెప్పినట్టు తెలుస్తోంది.
చెన్నూరు టికెట్ ను వినోద్ అడగటంతో కేటిఆర్ ఎమ్మెల్సీ ఆఫర్ ఇచ్చారు. దానికి వినోద్ ఒప్పుకోకుండా తిరస్కరించినట్టు తెలుస్తోంది. చెన్నూర్ టికెట్ ను బాల్క సుమన్ కు కేటాయించడంతో దానిని మార్చలేమని కేటిఆర్ వినోద్ కు చెప్పారు. వేరే స్థానంలోనైనా పోటి చేస్తానని తాను ఎమ్మెల్యేగానే పోటి చేస్తానని కేటిఆర్ కు ఖరాఖండిగా వినోద్ చెప్పడంతో కేటిఆర్ అక్కడ నుంచి వెనుదిరిగారు. తాను ఆలోచించేది ఏం లేదని ఏదో ఒక నిర్ణయం తీసుకోండని వినోద్ కేటిఆర్ కు స్ట్రాంగ్ గానే చెప్పినట్టు తెలుస్తోంది.
టిఆర్ ఎస్ లో తమకు సరైన గుర్తింపు లేదని, చెప్పిన మాట ప్రకారం ఏం చేశారో చెప్పాలని కేటిఆర్ ను వినోద్ నిలదీశారు. అసలు ఎందుకు టిఆర్ ఎస్ లో కొనసాగాలో చెప్పాలన్నారు. తాము ఎమ్మెల్యేగా పోటి చేయడానికి పనికిరానప్పుడు పార్టీలో ఎందుకు కొనసాగాలని ప్రశ్నించారు. కేటిఆర్, వినోద్ ల మధ్య వాడి వేడిగానే చర్చలు జరిగినట్టు తెలుస్తోంది. గత కొంత కాలం నుంచి వినోద్, వివేక్ సోదరులు పార్టీ కార్యక్రమాల్లో కూడా క్రియాశీలకంగా పాల్గొనుట లేదు.