చదువు చెప్పాల్సిన పంతులమ్మ దుర్మార్గంగా వ్యవహరించింది. చిన్నపిల్ల అన్న ఇంగితం లేకుండా ఓ విద్యార్థినిని పశువును బాదినట్టు బాదింది. ఇంతకీ ఆ అమ్మాయి చేసిన తప్పు ఏంటంటే పోని టెయిల్ జడ వేసుకొని బడికి రావటం. తనకు నచ్చినట్టు జుట్టు వేసుకొస్తే అది ఆ పంతులమ్మకు నచ్చలేదట. బడికి నిబంధనల ప్రకారం రావాలని ఆ చిన్నారిపై అమానుషంగా దాడి చేసింది.
హిమయత్ నగర్ ఆక్స్ ఫర్డ్ గ్రామర్ స్కూల్ టీచర్ సీతామాలక్ష్మీ చేసిన ఘనకార్యం ఇది. ఆక్స్ ఫర్డ్ గ్రామర్ స్కూల్ లో వినూత్న అనే చిన్నారి నాలుగో తరగతి చదువుతున్నది. పోనీటెల్ జడ వేసుకుందని పంతులమ్మ సీతా మాలక్ష్మీ ఇష్టమొచ్చినట్టు ఆ అమ్మాయిని కొట్టింది. విషయం తెలుసుకున్న చిన్నారి తల్లిదండ్రులు నారాయణగూడ పోలీసు స్టేషన్ లో ఫిర్యాదు చేశారు. ఈ ఘటనపనై బాలల హక్కుల స్పందించింది. తక్షణమే టిచర్ ను అరెస్టు చేసి స్కూల్ గుర్తింపు రద్దు చేయాలని డిమాండ్ చేసింది.