Harish Rao: హనుమకొండ ఆర్ట్స్ కళాశాల మైదానంలో నిర్వహించిన కాంగ్రెస్ సభలో సీఎం రేవంత్ రెడ్డి చేసిన అనుచిత వ్యాఖ్యలపై మాజీ మంత్రి ప్రస్తుత సిద్దిపేట ఎమ్మెల్యే హరీష్ రావు సంచలన వ్యాఖ్యలు చేశారు. ఈ కార్యక్రమంలో భాగంగా రేవంత్ రెడ్డి మాట్లాడుతూ కేసీఆర్ పట్ల అలాగే గత ప్రభుత్వ పాలన గురించి సంచలన వ్యాఖ్యలు చేశారు.
ఈ సందర్భంగా హరీష్ రావు మాట్లాడుతూ రేవంత్ రెడ్డి పై తనదైన శైలిలో సెటైర్లు వేశారు.చేతగానోనికి మాటలెక్కువ.. చేవలేనోనికి బూతులెక్కువ అన్నట్లు రేవంత్ రెడ్డి పరిస్థితి ఉందని హరీశ్‌రావు విమర్శించారు. తెలంగాణలో కాంగ్రెస్ ప్రభుత్వం అధికారంలోకి వచ్చి 11 నెలలు పూర్తి అయింది ఇప్పటివరకు ఎలాంటి అభివృద్ధి కార్యక్రమాలు చేయలేదు.
ఈ 11 నెలల పాలనలో రేవంత్ రెడ్డి మాట నుంచి బూతుల తప్ప నీతులు రాలేదు.కాంగ్రెస్ విజయోత్సవ సభ అని పేరు పెట్టుకొని చేసిందేమీ లేక, చెప్పుకోవడానికి ఏమీ లేక ఎప్పటి లాగే పిచ్చి మాటలు వదిలిండు. ఇక నువ్వు ఎంత గింజుకున్నా లాభం లేదని హరీష్ రావు తెలిపారు. తెలంగాణ వ్యాప్తంగా ఈ 11 నెలల కాలంలో నువ్వు చేసిన ఘోరాలను ప్రజలు ఎవరు మర్చిపోరని తెలిపారు.
మాట మాట్లాడితే కేసీఆర్ కేసీఆర్ అంటూ కేసిఆర్ జపం చేసినంత మాత్రాన నీ పాపం పోదని తెలిపారు. కెసిఆర్ లాంటి వ్యక్తి అంత తొందరగా ఎవరికి అర్థం కారు. అందరిని తొక్కుకుంటూ అధికారంలోకి వచ్చానని చెబుతున్నావు నువ్వు అధికారంలోకి వచ్చేందుకు కాంగ్రెస్ నాయకులను తొక్కినవు. షార్ట్ కట్‌లో అధికారం చేజిక్కించుకొని ప్రజలను తొక్కుతున్నవు. ఈ దుర్భాషలతో ఒరిగేదేమీ లేదు అంటూ రేవంత్ రెడ్డికి కౌంటర్ ఇచ్చారు.