ఇండియా పోస్టాఫీస్‌ నిరుద్యోగులకు అదిరిపోయే తీపికబురు అందించింది. ఏపీలో 2480, తెలంగాణలో 1266 ఉద్యోగ ఖాళీల కోసం జాబ్ నోటిఫికేషన్ రిలీజైంది. గ్రామీణ్ డాక్ సేవక్ ఉద్యోగ ఖాళీల భర్తీ కోసం ఈ జాబ్ నోటిఫికేషన్ విడుదల కావడం గమనార్హం. ఈ ఉద్యోగాలకు ఎంపికైన వాళ్లు బ్రాంచ్ పోస్ట్ మాస్టర్, అసిస్టెంట్ బ్రాంచ్ పోస్ట్ మాస్టర్, డాక్ సేవక్ హోదాలలో పని చేయాల్సి ఉంటుందని తెలుస్తోంది.
ఈ ఉద్యోగ ఖాళీలకు ఎంపికైన వాళ్లకు 10,000 రూపాయల నుంచి 12,000 రూపాయల రేంజ్ లో వేతనం లభిస్తుంది. ఆన్ లైన్ లో ఈ ఉద్యోగ ఖాళీలకు దరఖాస్తు చేసుకోవాల్సి ఉండగా ఫిబ్రవరి 16వ తేదీ ఈ ఉద్యోగాలకు దరఖాస్తు చేసుకోవడానికి చివరి తేదీగా ఉందని తెలుస్తోంది. ఈ ఉద్యోగాలకు ఎంపికైన వాళ్లకు రోజుకు 4 గంటలు విధులు ఉండగా అదే సమయంలో అందించే సేవల ఆధారంగా ప్రోత్సాహకాలు ఉంటాయి.
విధులు నిర్వహించడం కోసం ప్రభుత్వం కంప్యూటర్ లేదా స్మార్ట్ ఫోన్ ను సమకూర్చుతుంది. సైకిల్ తొక్కడం వచ్చిన వాళ్లు ఈ ఉద్యోగాలకు అర్హులు. కంప్యూటర్ పరిజ్ఞానం ఉన్నవాళ్లు ఈ ఉద్యోగ ఖాళీలకు అర్హత కలిగి ఉంటారు. పదో తరగతి మెరిట్ మార్కుల ఆధారంగా ఈ ఉద్యోగాలకు ఎంపిక చేయడం జరుగుతుంది. అభ్యర్థులు ఈ ఉద్యోగాల కోసం 100 రూపాయల ఫీజు చెల్లించాల్సి ఉంటుంది.
https://indiapostgdsonline.gov.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకునే ఛాన్స్ అయితే ఉంటుంది. భారీ సంఖ్యలో ఉద్యోగ ఖాళీల భర్తీ జరగనున్న నేపథ్యంలో నిరుద్యోగులకు ఎంతగానో బెనిఫిట్ కలగనుంది.