ఆసీస్ గడ్డ పై సెంచరీ నమోదు చేసిన తొలి భారత వికెట్ కీపర్ గా రిషబ్ పంత్ రికార్డు సృష్టించిన విషయం తెలిసిందే. ఆసీస్ తో జరిగిన మ్యాచ్ లో పంత్ కీలక పాత్ర పోషించాడు. ప్రస్తుతం ఆసీస్, న్యూజిలాండ్ వన్డే సిరీస్ ల నుంచి విశ్రాంతి లభించిన నేపథ్యంలో ఖాళీ సమయాన్ని పంత్ ఎంజాయ్ చేస్తున్నాడు.
క్రికెటర్ పంత్ ప్రేమలో పడినట్టు తెలుస్తోంది. ఇటీవల ఓ అమ్మాయితో దిగిన ఫోటోను పంత్ ఇన్ స్టాగ్రాములో పెట్టాడు. దానిని అభిమానులతో పంచుకున్నారు. ఆయన ఏమన్నారంటే “నా సంతోషానికి కారణం నువ్వే.. నిన్ను సంతోషంగా ఉంచాలనుకుంటున్నా” అని కామెంట్ పెట్టాడు. పంత్ షేర్ చేసిన ఫోటోలోని అమ్మాయి పేరు ఇషా నేగి. ఆమె ఎంటర్ ప్రెన్యూర్ మరియు ఇంటీరియల్ డిజైనర్. ఇషా కూడా పంత్ షేర్ చేసిన ఫోటోనే షేరు చేసింది. “మై మ్యాన్, మై సోలోమేట్, బెస్ట్ ఫ్రెండ్, లవ్ ఆఫ్ మై లైఫ్” అంటూ ఆమె క్యాప్షన్ ఇచ్చింది. దీంతో వీరిద్దరు గాఢమైన ప్రేమలో ఉన్నారని అభిమానులు అంటున్నారు.