Jansena Party : పార్టీలు మారడం ఆయనకు కొత్తేమీ కాదు. ఒక్కో ఎలక్షన్కీ ఒక్కో పార్టీలో వుంటుంటారు ఆ పొలిటీషియన్. వైసీపీలో మంత్రిగా పని చేసి, ఇటీవలే మంత్రి పదవి పోగొట్టుకున్న ఆయన, చివరి నిమిషం వరకూ మంత్రి పదవి పోగొట్టుకోవడానికి ఇష్టపడలేదుగానీ, వైఎస్ జగన్ ఆయనకు ‘కొనసాగింపు’ ఇవ్వలేదు.
పార్టీ తరఫున వకాల్తా పుచ్చుకుంటూ, విపక్షాల మీద విమర్శలు బాగానే చేసినాగానీ, ఎందుకు తనకు ‘కొనసాగింపు’ రాలేదు.? అన్న ఆవేదన ఆయనలో ఇంకా అలాగే వుండిపోయిందట. పైకి మాత్రం, ‘అబ్బే, అసంతృప్తి ఏమీ లేదు..’ అంటూ మేకపోతు గాంభీర్యం ప్రదర్శిస్తోన్న సదరు మాజీ మంత్రి, జనసేన పార్టీతో టచ్లోకి వెళ్ళారన్న ప్రచారం జరుగుతోంది.
అయితే, జనసేన పార్టీ ఆయన్ని అక్కున చేర్చుకునేందుకు సుముఖత వ్యక్తం చేయలేదట. ఇప్పుడు జనసేన వైపు చూసినా, ఎన్నికల నాటికి గోడ దూకేస్తారన్నది సదరు మాజీ మంత్రి మీద జనసేన పార్టీకి వున్న గట్టి నమ్మకం. గతంలో ఆయనగారు, జనసేనానితో సన్నిహితంగా వుండేవారు. అది గత చరిత్ర.
జనసేనాని దయా దాక్షిణ్యాలతో రాజకీయాల్లో ఆయన ఎదిగారని చెప్పుకుంటుంటారు. ‘అబ్బే, అదేం లేదు.. అంతా నా సొంత కష్టం..’ అని బుకాయించడం ఆయనకు వెన్నతో పెట్టిన విద్య.
ఇంతకీ ఎవరా మంత్రి.? ఏమా కథ.? అదయితే ప్రస్తుతానికి సస్పెన్స్. సదరు మాజీ మంత్రి బాటలో మరో ఇద్దరు మాజీలు కూడా ఇతర పార్టీల వైపు దృష్టి సారించారట.
రాజకీయాలంటేనే కప్పల తక్కెడ వ్యవహారం. పదవి వుంటే ఒకలా, పదవి పోతే ఇంకోలా.! ఇప్పడు రాజకీయాలే అలా తయారయ్యాయ్ మరి.