Bigg Boss :తెలుగులో మొత్తం ఐదు సీజన్లు నడిచాయ్ బిగ్ బాస్ రియాల్టీ షోకి సంబంధించి. శివబాలాజీ, కౌశల్, అబిజీత్, రాహుల్ సిప్లిగంజ్, వీజే సన్నీ.. ఇలా అందరూ మేల్ కంటెస్టెంట్లే ‘బిగ్’ ట్రోఫీ అందుకున్నారు. గీతా మాధురి, శ్రీముఖి, అరియానా.. ఇలా స్ట్రాంగ్ కంటెస్టెంట్లు ఫిమేల్ విభాగం నుంచి వున్నా.. వాళ్ళకి ఆ అవకాశమే దక్కలేదు.
మరి, కొత్త సీజన్.. బిగ్ బాస్ నాన్ స్టాప్ అయినా మహిళా విన్నర్‌తో ఆకట్టుకుంటుందా.? ఇంకా ఈ రోజే షో ప్రారంభమయ్యింది గనుక, అప్పుడే విన్నర్ ఎవరన్నది అంచనా వేయడం సబబు కాదేమో. కానీ, వ్యవహారం చూస్తోంటే, ఈసారి కూడా మేల్ కంటెస్టెంటుకే ట్రోఫీ అప్పగించేసేలా వున్నారనే చర్చ సర్వత్రా జరుగుతోంది.
అఖిల్ సార్ధక్.. ఓ సీజన్‌లో అబిజీత్‌తో గట్టిగా పోటీ పడి, చివరి నిమిషంలో కప్పు దూరం చేసుకున్నాడు. కానీ, ఈసారి మాత్రం అతను కప్పు కొట్టేలానే వున్నాడు. అన్నట్టు, మన తెలుగు హీరోయిన్ బిందు మాధవి కూడా స్ట్రాంగ్ కంటెస్టెంట్ అనే చెప్పాలి. ఆమె గతంలో తమిళ బిగ్ బాస్‌లో కనిపించింది.. చివరి వారంలో.. అదీ మిడ్ వీక్ ఎలిమినేషన్ కారణంగా ట్రోఫీకి దూరమయ్యింది.
అషు రెడ్డి, తేజస్వి మాదివాడ, హమీదా, ముమైత్ ఖాన్, అరియానా గ్లోరీ.. ఇలా లేడీ కంటెస్టెంట్ల విషయంలో ఈసారి టఫ్ పోటీ అయితే వుండబోతోంది. మేల్ కంటెస్టెంట్లలోనూ నటరాజ్ మాస్టర్, మహేష్ విట్టా తదితరుల రూపంలో పోటీ గట్టిగానే వుండబోతోంది.