Jr NTR Support : ఎన్టీయార్ జనసేనకు మద్దతివ్వబోతున్నాడా.? అనే ఓ కొత్త ప్రచారం తెరపైకి వచ్చింది ఈ మధ్య. ‘ఆర్ఆర్ఆర్’ సినిమా పుణ్యమా అని, ఎన్టీయార్ మెగా ఫ్యామిలీకి బాగా దగ్గరైపోయాడు. మెగా ఫ్యామిలీతో పాటు, పవన్ కళ్యాణ్కి కూడా బాగా దగ్గరయ్యాడు. ఇదే పైన చెప్పుకున్న ప్రచారానికి బలం చేకూరుస్తోంది.
ఎన్టీయార్ మామగారైన (లక్ష్మీ ప్రణతి తండ్రి) నార్నె శ్రీనివాసరావు వైసీపీకి చెందిన వ్యక్తి. మొదట్లో బీజేపీలో వున్నప్పటికీ, తర్వాత వైసీపీలోకి చేరారాయన. నందమూరి కుటుంబ సభ్యుడిగా తెలుగు దేశం పార్టీకి మద్దతిస్తూ వస్తున్నాడు ఇంతవరకూ ఎన్టీయార్. అయినప్పటికీ, భార్య కారణంగా ఎన్టీయార్ కుటుంబంలో రెండు రాజకీయ పార్టీలున్నట్లు లెక్క ఇప్పటి వరకూ.
కానీ, ఇప్పుడు లెక్క తప్పింది. ఎన్టీయార్ మెగా కాంపౌండ్కి దగ్గరయ్యాడు. దాంతో తెలుగుదేశం పార్టీ ఎన్టీయార్ని కావాలని దూరం పెడుతోందనే వాదన కొన్ని వర్గాల్లో వినిపిస్తోంది. ఈ నేపథ్యంలోనే ఎన్టీయార్ జనసేనకు దగ్గరవుతాడా.? అనే అనుమానాలొస్తున్నాయ్.
మరోవైపు ఎన్టీయార్ – త్రివిక్రమ్ శ్రీనివాస్తో ఓ సినిమా చేయాల్సి వుంది. త్రివిక్రమ్ శ్రీనివాస్కి పవన్ ఎంత చెబితే అంత. పవన్కి వీరాభిమాని. సో, అలా కూడా పవన్తో ఎన్టీయార్ అనుబంధం పెరిగిపోనుంది.
అంటే, డైరెక్టుగా పవన్ అభిప్రాయాలకీ, పరోక్షంగా జనసేనకీ ఎన్టీయార్ మద్దతిస్తాడని కొందరు భావిస్తున్నారు.
అయితే, సినిమా వేరు, రాజకీయం వేరు. కావాలనే ఎన్టీయార్పై బురద చల్లేందుకు టీడీపీ చేస్తున్న దుష్ర్పచారమే ఇదంతా.. అనుకోవాలేమో కూడా.