Anushka’s Party : అంచనాలకు మించి సంచలనాలు సృష్టించిన ‘ఆర్ఆర్ఆర్’ సినిమా సక్సెస్ని టీమ్ మొత్తం ఎంజాయ్ చేస్తోంది. ఈ ఎంజాయ్మెంట్ని అందరితోనూ షేర్ చేసుకుంటూ ‘ఆర్ఆర్ఆర్’ టీమ్ సందడి చేస్తోంది. లేటెస్టుగా ‘ఆర్ఆర్ఆర్’ సక్సెస్ మీట్ పార్టీలో జేజమ్మ అనుష్క సందడి చేసింది.
‘ఆర్ఆర్ఆర్’ టీమ్తో అనుష్క చేసిన సందడి వీడియోలు, ఫోటోలు నెట్టింట వైరల్ అవుతున్నాయ్. రాజమౌళి అండ్ టీమ్తో అనుష్క ‘బాహుబలి’ సినిమాలో నటించిన సంగతి తెలిసిందే. దాదాపు ఐదున్నరేళ్లు జక్కన్న ఫ్యామిలీతో అనుష్క ట్రావెల్ చేసింది.
ఆ పరిచయంతో అనుష్క, జక్కన్న ఫ్యామిలీ మెంబర్ అయిపోయింది. మరీ ముఖ్యంగా జక్కన్న భార్య రమా రాజమౌళికి అనుష్క చాలా క్లోజ్. రమా అంటే చాలా గౌరవం అనుష్కకి. అలాగే అనుష్క అంటే ఎంతో అభిమానం, ఇష్టం రమకి. అలా అనుష్కకి తాజా సినిమా ‘ఆర్ఆర్ఆర్’ తో సంబంధం లేకపోయినా సరే, ఈ సక్సెస్ని చాలా చాలా ఎంజాయ్ చేస్తోంది.
‘ఆర్ఆర్ఆర్’ సినిమా సక్సెస్ అవ్వాలని తాను చాలా గట్టిగా కోరుకున్నాననీ, ప్రేక్షకులు అంతటి సక్సెస్ కట్టబెట్టినందుకు తాను చాలా హ్యాపీ ఫీలవుతున్నానని జేజమ్మ చెబుతోంది. అనుష్క ప్రస్తుతం ‘జాతిరత్నాలు’ ఫేమ్ నవీన్ పోలిశెట్టితో ఓ సినిమాలో నటిస్తోంది.