Allari Naresh: టాలీవుడ్ హీరో అల్లరి నరేష్ గురించి మనందరికీ తెలిసిందే. నరేష్ ప్రస్తుతం బ్యాక్ టు బ్యాక్ సినిమాలలో నటిస్తూ బిజీ బిజీగా ఉన్న విషయం తెలిసిందే. సినిమా హిట్టు ఫ్లాప్ తో సంబంధం లేకుండా వరుసగా అవకాశాలను అందుకుంటూ దూసుకుపోతున్నారు నరేష్. ఇది ఇలా ఉంటే ఇంతకుముందు ఎక్కువగా కామెడీ తరహా సినిమాలలో ఎక్కువగా నటించినా నరేష్ ఈ మధ్యకాలంలో ఎక్కువ శాతం సీరియస్ రోల్స్ లోనే నటిస్తున్నాడు. అందులో భాగంగానే త్వరలోనే నరేష్ బచ్చల మల్లి అనే సినిమాతో రాబోతున్న విషయం తెలిసిందే.
ఇప్పటికే ఈ సినిమా నుంచి విడుదలైన పోస్టర్లు, గ్లింప్స్, సాంగ్స్ ప్రేక్షకులను బాగా ఆకట్టుకున్నాయి. ఇది ఇలా ఉంటే తాజాగా ఈ సినిమా టీజర్ ని విడుదల చేశారు మూవీ మేకర్స్. ఆ టీజర్ లో చిన్నప్పటి నుంచి మళ్లీ తనకు నచ్చినట్టుగా చాలా మూర్ఖంగా బతుకుతూ ఉంటాడు. అతనికి చాలా రకాల సంఘటనలు ఎదురవుతూ ఉంటాయి. మరి వాటన్నింటిని మల్లి ఎలా ఎదుర్కోబోతున్నాడు అన్న కథ నేపథ్యంలో సినిమా ఉండబోతున్నట్టు తెలుస్తోంది. ఈ టీజర్ కి ప్రేక్షకుల నుంచి బాగానే స్పందన లభిస్తోంది.
అల్లరి నరేష్ యాక్టింగ్ ఇరగదీసాడు మామూలుగా లేదుగా అంటూ కామెంట్ చేస్తున్నారు అభిమానులు. ఇంకొందరు ఈసారి హిట్ గ్యారెంటీ అంటూ కామెంట్స్ చేస్తున్నారు. ఇకపోతే ఈ సినిమా డిసెంబర్ 20న రిలీజ్ కానున్న విషయం తెలిసిందే. ప్రస్తుతం మూవీ మేకర్స్ ఈ సినిమా ప్రమోషన్స్ లో భాగంగా బిజీ బిజీగా ఉన్నారు. అయితే ఈ మధ్యకాలంలో నరేష్ నటించిన చాలా సినిమాలు ఆశించిన స్థాయిలో సక్సెస్ అవడం లేదు. మరి ఈ బచ్చల మల్లి సినిమా అయినా సక్సెస్ ను సాధిస్తుందేమో చూడాలి మరి.