RGV:తనకు దేవున్ని నమ్మనని, కానీ దయ్యం అంటే మాత్రం భక్తి అని ఆసక్తికర వ్యాఖ్యలు చేశారు సంచలన డైరెక్టర్ రామ్ గోపాల్ వర్మ. తాను చిన్నప్పుడు మంచం కిందకు దూరడానికి చాలా భయం కలిగేదని ఆయన అన్నారు. ఎప్పుడైనా మనకు తెలియని చోట, చీకట్లో గానీ ఏదైనా ఉంటుందనే ఫీలింగ్, భయం ఉంటుందని ఆయన చెప్పారు. అది తనకు తెలిసి ఎవరికైనా కూడా తమ చిన్న తనంలో తలుపు వెనకాలా, మంచం కింద అని ఇలా కొన్ని ప్లేస్లు ఉంటాయని ఆయన అన్నారు. అంటే ప్రత్యేకమైన సందర్భమంటూ తనకు గుర్తు లేదని, కానీ మంచం కిందకు వెళ్లడానికి మాత్రం ఎప్పుడూ భయపడేవాడినని ఆయన చెప్పారు.
ఇక తాను భయపెట్టిన సంఘటన విషయానికొస్తే, తాను ఇంజినీరింగ్ చదువుతున్నపుడు తన ఫ్రెండ్ ఒకరు తనకు మాస్క్ ఇచ్చారని ఆర్జీవీ చెప్పుకొచ్చారు. అది చాలా భయంకరంగా ఉండేదని, అది పెట్టుకొని, ఒక గొంగళి కప్పుకొని కూచునేవాణ్నని ఆయన చెప్పారు. రాత్రి ఎవరైనా నడుచుకుంటూ వస్తూ తనను చూసి భయపడేవారని ఆయన నవ్వుతూ చెప్పారు.
తాను ఇంజినీరింగ్లో ఉన్నపుడు తన కాలనీలో ఒకమ్మాయి ఉండేదని రామ్ గోపాల్ వర్మ అన్నారు. ఆ అమ్మాయిని అప్పట్లో తాను ఇష్టపడ్డానని, అది ఇంటర్మీయట్ నుంచి జరిగిందని ఆయన చెప్పారు. తానెప్పుడూ అమ్మాయిల వెంట పడడమే గానీ, తన వెంట అమ్మాయిలు పడలేదని, కారణం తనకు నచ్చలేదేమోనని ఆర్జీవీ అన్నారు. ఆ ఏజ్లో తాను కూడా అమ్మాయిలాగే ఉండేవాడినని ఆయన చెప్పారు. చాలా మంది ఆ వయసులో అవతలి వ్యక్తి మగా లేదంటే ఆడా తెలిసేది కాదని ఆయన అన్నారు.