Trivikram Project Stopped : తెలుగు సినిమా దగ్గర మోస్ట్ పవర్ ఫుల్ మాస్ హీరోస్ లో నందమూరి నట వారసుడు యంగ్ టైగర్ ఎన్టీఆర్ కూడా ఒకడు. తనకంటూ భారీ ఫ్యాన్ ఫాలోయింగ్ ని ముఖ్యంగా మాస్ సెంటర్స్ లో తెప్పించుకున్నాడు తారక్. అయితే మరి ఎన్టీఆర్ లాంటి మాస్ హీరోతో ఒక క్లాస్ దర్శకుడు అయినటువంటి త్రివిక్రమ్ ఎలాంటి సినిమా తీస్తాడా అనుకున్న దానికి భయంకరమైన సమాధానం “అరవింద సమేత వీర రాఘవ” తో అందించాడు.
మాస్ లో అప్పటి వరకు చూసిన తారక్ ఒకెత్తు ఆ సినిమాలో కనిపించిన ఎన్టీఆర్ ఇంకో ఎత్తు అనే రేంజ్ లో త్రివిక్రమ్ ఆశ్చర్యపరిచాడు. దీనితో ఇక ఈ కాంబోలో రెండో చిత్రం ఎప్పుడెప్పుడు ఉంటుందా అని అంతా ఎదురు చూడగా దానిని ప్రకటించడానికి ఎంతో సమయం తీసుకోకుండానే అనౌన్స్ చేశారు.
కానీ పరిస్థితులు మారిపోవడంతో ఈ సినిమా అనూహ్యంగా ఆగిపోవాల్సి వచ్చింది. అయితే ఇక అసలు ఈ సినిమా ఎందుకు ఆగిపోయింది మళ్ళీ వీరి నుంచి సినిమా ఉంటుందా లేదా అనే వాటిపై అన్ని క్లారిటీ లు బయటకి వచ్చేసాయి. ఈ చిత్రం అయితే ఆగిపోలేదట. కేవలం పోస్ట్ పోన్ మాత్రమే అయ్యిందని నిర్మాతలు చెబుతున్నారు.
అంతే కాకుండా ఈ సినిమా వేరే లెవెల్లో ఉంటుందని చెబుతున్నారు. ఇండియా లోనే ఒక భారీ పాన్ ఇండియా సినిమాగా దీనిని అత్యంత ప్రతిష్టాత్మకంగా ప్లాన్ చేస్తున్నారట. త్రివిక్రమ్ అలాంటి స్ట్రాంగ్ సబ్జెక్టు ని తారక్ కోసం రెడీ చేశారట. ఇది మాత్రం మామూలుగా ఉందని చెబుతున్నారు. మరి ఈ మాసివ్ ప్రాజెక్ట్ ఎప్పుడు స్టార్ట్ అవుతుందో చూడాలి.