Vikarabad: సాధారణంగా దొంగలు ఇంట్లోకి చొరబడ్డారు అంటే ఇంట్లో ఉన్నావ్ విలువైన వస్తువులు, నగలు, లేదా ఖరీదైన బట్టలను దొంగతనం చేస్తారు. కొంత మంది దొంగలు అయితే ఇంట్లో ఉన్నా ఖరీదైన వస్తువులను కూడా తీసుకుని వెళుతూ ఉంటారు. కానీ తాజాగా జరిగిన ఒక సంఘటన అందర్నీ ఆశ్చర్య పరుస్తోంది. కొందరు దొంగలు గృహప్రవేశం చేయని ఇంట్లోకి చొరపడ్డారు. గృహ ప్రవేశం కూడా చేయని ఆ ఇంట్లోకి వెళ్లి ఆ దొంగలు ఏమి ఎత్తుకెళ్లారు ఇప్పుడు తెలుసుకుందాం..
వికారాబాద్ జిల్లాలోని పరిగి మున్సిపల్ పరిధిలో సాయిరాం కాలనీలో ఈ సంఘటన చోటు చేసుకుంది. కొందరు దొంగలు గృహప్రవేశం కూడా చేయని ఇంట్లోకి చొరబడి దొరికిందల్లా దొంగలించారు. సాయిరాం కాలనీలో రఘు అనే వ్యక్తి కొత్తగా ఇల్లు కట్టుకున్నాడు. అయితే కాంట్రాక్టర్ నాసిరకం సామాగ్రి వినియోగించడంతో, కొత్త ఇల్లు కాస్త బీటలు వారింది. దీనితో రఘు ఆ ఇంటికి మరమ్మతులు చేయించి గృహప్రవేశం చేద్దామని అనుకున్నాడు. అందుకోసం ఆ ఇంటి మరమ్మత్తులకు కావాల్సిన సామాగ్రిని తెప్పించాడు. ఈ క్రమంలోనే శనివారం రాత్రి దొంగలు అదే కొత్త ఇంట్లో దొంగతనానికి వచ్చి, గోడదూకి లోపలికి వెళ్లి నట్లు తెలుస్తోంది.
ఆ ఇంటి చుట్టుపక్కల కూడా ఇల్లు లేకపోవడంతో దొంగలకు మరింత ఈజీ అయింది. అది కొత్త ఇల్లు అని తెలియక దొంగతనం చేయడానికి ఆ దొంగలు తాళాలు పగలగొట్టి చూడగా మొత్తం అంతా ఖాళీగా ఉంది. అయినప్పటికీ ఆ దొంగలు నిరాశ చెందక పోగా ఇల్లంతా తిరిగి వట్టిచేతులతో వెళ్లకుండా, ఇంటి వెనుక వైపు 403 అడుగుల లోతులో ఉన్న బోరు మోటర్ ని పైకి లాగారు. ముక్కలు ముక్కలుగా కోసి పక్కకు పెట్టేసి బోర్ వైర్ ని సర్దుకున్నారు. అనంతరం ఇంటి మరమ్మత్తుల కోసం తెప్పించిన టైల్స్,పెయింట్, కుళాయిలు, గీజర్ ఇలాంటి సామాన్లను సర్దుకుని దొంగతనం చేసి అటు నుంచి పరారయ్యారు. మరుసటి రోజు ఉదయం ఇంటికి వచ్చిన రఘు తలుపులు తెరిచి చూడగా ఒక్కసారిగా షాక్ అయ్యాడు. దొంగతనం జరిగింది అని గ్రహించిన రఘు పోలీసులకు ఫిర్యాదు చేయడంతో కేసు నమోదు చేసుకున్న పోలీసులు దర్యాప్తు చేపట్టారు.