OG: రజనీకాంత్ ఇటీవల హీరోగా నటించిన మూవీ కూలీ. ఈ సినిమా భారీ అంచనాల నడుమ విడుదల అయ్యి పర్వాలేదు అనిపించుకుంది. సినిమా ఎలా ఉన్నప్పటికీ కలెక్షన్లు మాత్రం బాగానే వచ్చాయి. మరి అనుకున్న రేంజ్ లో అయితే కలెక్షన్స్ రాలేదు. అయితే అందుకు గల కారణం సినిమాకు సెన్సార్ A సర్టిఫికెట్ రావడమే అని అంటున్నారు. కూలికి A సర్టిఫికెట్ ఇవ్వడం వల్ల చాలా మల్టీప్లెక్స్ లలో 18 ఏళ్ళ లోపు ఉన్న పిల్లలని రానివ్వలేదు. దీంతో చాలా ఫ్యామిలీలు సినిమాకు వచ్చి వెనుతిరిగాయి.
కొన్ని ఫ్యామిలీలు థియేటర్స్ వద్దకు కూడా అసలు రాలేదు. ఇక పిల్లల్లో రజినీకి ఉన్న ఫ్యాన్ ఫాలోయింగ్ తో సినిమాకు వెల్దామని అనుకున్నా A సర్టిఫికెట్ వల్ల కొన్ని థియేటర్స్ రానివ్వలేదు. దీంతో ఈ ఎఫెక్ట్ కూలీ సినిమాల కలెక్షన్స్ పై పడింది. దీనిపై కూలీ నిర్మాత హైకోర్టుకు కూడా వెళ్లారు. ఇప్పుడు అదే పవన్ కళ్యాణ్ ఓజీ సినిమాకు కూడా జరుగుతుందేమో అని భయపడుతున్నారు. పవన్ కళ్యాణ్ ఓజీ సినిమాకు సెన్సార్ బోర్డు A సర్టిఫికెట్ ఇచ్చింది. అసలే పవన్ కళ్యాణ్ కి ఫ్యామిలిలో పిల్లల్లో మంచి ఫ్యాన్ ఫాలోయింగ్ ఉంది. 18 ఏళ్ళ లోపు పిల్లలు కూడా జనసేనకు, పవన్ కళ్యాణ్ కు సపోర్ట్ గా ఉంటున్నారు.
వాళ్లంతా థియేటర్స్ కి వెళ్తే రానిస్తారా? ఒకవేళ సింగిల్ స్క్రీన్స్ లో రానిచ్చినా మల్టీప్లెక్స్ లో కష్టమే. అసలే దసరా హాలిడేస్ కాబట్టి ఫ్యామిలీలు అంతా కలిసి సినిమాకు వెళ్లాలి అనుకుంటాయి. ఇలాంటి టైంలో A సర్టిఫికెట్ అని పిల్లల్ని రానివ్వకపోతే ఫ్యామిలీలు ఆగిపోయే ప్రమాదం ఉంది. ఒకవేళ ఇదే గునుక జరిగితే ఇది కచ్చితంగా OG కలెక్షన్స్ పై ఎఫెక్ట్ పడుతుంది. అయితే ఇందులో వైలెన్స్, రక్తపాతం ఎక్కువగా ఉందనే సెన్సార్ బోర్డు A సర్టిఫికెట్ ఇచ్చిందట. మరి నెటిజన్స్ అభిప్రాయపడుతున్నట్టు కూలి సినిమాకు పట్టిన గతే ఈ సినిమాకు పడుతుందా అలాంటి కలెక్షన్లే వస్తాయా లేదా అన్నది చూడాలి మరి.
OG: పవన్ మూవీకీ A సర్టిఫికెట్.. రజినీకాంత్ సినిమాకి పట్టిన గతే ఓజీకీ కూడా పట్టనుందా?
