Crime News: ఈ మధ్యకాలంలో ఆడపిల్లల మీద అఘాయిత్యం రోజురోజుకి పెరిగిపోతున్నాయి. చిన్నా పెద్దా అని వయసుతో సంబంధం లేకుండా ఆడపిల్ల కనిపిస్తే చాలు చిన్న పిల్లల నుండి ముసలివారి వరకు కామాంధులు ఎవరిని వదలటం లేదు. ముఖ్యంగా కొంతమంది ఆటోడ్రైవర్లు తమ ఆటోలో ఎక్కి ప్యాసింజర్ లతో అసభ్యకరంగా ప్రవర్తించిన సంఘటనలు ప్రతిరోజు ఎన్నో జరుగుతూనే ఉన్నాయి. ప్రస్తుతం ఇలాంటి సంఘటన ఒకటి వెలుగులోకి వచ్చింది.
వివరాలలోకి వెళితే..గుంటూరు జిల్లా వినుకొండకు చెందిన బూసిరాజు చిన వెంగళరావు పట్టణంలో ఆటో నడుపుతు జీవనం సాగిస్తున్నాడు. ఈ క్రమంలో ఈనెల 17వ తేదీన రాత్రి 9 గంటల సమయంలో డ్రైవర్స్ కాలనీకి చెందిన ఒక యువతి ఇంటికి వెళ్లాలని స్థూపం కూడలి వద్ద వెంగలరావు ఆటో ఎక్కింది. అయితే ఆటో ఎక్కిన యువతితో ఆటోడ్రైవర్ అసభ్యకరంగా ప్రవర్తించడంతో పాటు వచ్చినా కూడా ఆటో ఆపకుండా వేగంగా నిద్ర ప్రదేశంలోకి ఆటోనీ తీసుకెళ్లడంతో యువతి చాలా ఆందోళన చెందింది. వెంటనే తన వద్ద ఉన్న మొబైల్ ద్వారా తన సోదరుడికి మెసేజ్ పంపింది.
వెంటనే అప్రమత్తమైన యువతి సోదరుడు పోలీసుల సహకారంతో నరసరావుపేటలోని బాలాజీ ఎస్టేట్ పక్కన ఉన్న నిర్జన ప్రాంతంలోకి చేరుకున్నాడు. పోలీసుల సహకారంతో తన చెల్లెల్ని రక్షించి క్షేమంగా ఇంటికి తీసుకువచ్చాడు. పోలీసులు ఉండటం గమనించిన ఆటో డ్రైవర్ అక్కడి నుండి తప్పించుకొని పారిపోయాడు.ఈ విషయంపై పోలీసులు కేసు నమోదు చేసుకుని నిందితుడి కోసం గాలింపు చర్యలు చేపట్టారు. ఈ క్రమంలో మంగళవారం వెల్లటూరు రోడ్డులో పోలీసులు నిందితుడిని అరెస్టు చేశారు. నిందితుడిని విచారణ చేయగా గతంలో కూడా ఇద్దరు యువతుల పట్ల అతడు ఇలా అసభ్యకరంగా ప్రవర్తించాడని పోలీసులు వెల్లడించారు.