ఒంటరిగా ఉన్నప్పుడు అమ్మాయిలు ఏం చేస్తారో మీకు తెలుసా.. బయటకు కనిపించకపోయినా ప్రతి ఒక్కరికీ తమకంటూ ప్రత్యేకమైన అలవాట్లు, చిన్న చిన్న ఆనందాలు ఉంటాయి. కొంతమంది ఆ క్షణాలను స్వేచ్ఛగా గడపడానికి వంట చేస్తారు, కొంతమంది సంగీతంలో మునిగిపోతారు, ఇంకొందరు మేకప్ చేసుకుంటూ అద్దం ముందర తమకే నవ్వుకుంటారు. తాజా సర్వే ప్రకారం, మహిళలు ఒంటరిగా ఉన్నప్పుడు ఏం చేస్తారో తెలియజేసే ఫలితాలు చాలా ఆసక్తికరంగా ఉన్నాయి. ఈ ఫలితాలు సామాజిక మాధ్యమాల్లో విపరీతంగా వైరల్ అవుతున్నాయి.
మొదటగా వంట 15శాతం మంది మహిళలు ఒంటరిగా ఉన్నప్పుడు కొత్త వంటకాలు ప్రయత్నించడం ఇష్టపడుతున్నారని సర్వే చెబుతోంది. పని ఒత్తిడికి దూరంగా, వంటగదిలో తమ సృజనాత్మకతను బయటపెడుతూ కొత్త రెసిపీలను ప్రయత్నించడం వారికే కాదు, చూసేవారికీ ఓ థెరపీలా మారుతోంది. కొత్త రుచులు సృష్టించడం, వాటిని ఆస్వాదించడం వాళ్లకు రిలాక్స్ కావడానికి ఒక అందమైన మార్గంగా మారింది.
తర్వాత 15 శాతం మంది మహిళలు ఒంటరిగా ఉన్నప్పుడు ఎవరూ చూడకపోవడంతో ఆ క్షణాన్ని ఆస్వాదిస్తూ డాన్స్ చేస్తామని చెప్పారు. అద్దం ముందు గానీ, గదిలో గానీ తమ ఇష్టమైన పాటలకు కాలు కదపడం వాళ్లకు ఒత్తిడిని దూరం చేస్తుంది. ఈ డాన్స్లో రిథమ్ మాత్రమే కాదు, ఒక స్వేచ్ఛా భావం కూడా దాగి ఉంది.
10 శాతం మహిళలు తమ ఒంటరి సమయాన్ని సినిమాలు లేదా సీరియల్స్ చూస్తూ గడుపుతున్నారని చెప్పారు. వారికది ఒకరకంగా మానసిక విశ్రాంతి. ఇష్టమైన పాత్రలు, కథలు, భావోద్వేగాలు వాళ్లను మరో లోకానికి తీసుకెళ్తాయి. ఈ సమయంలో బయట ప్రపంచం మర్చిపోయి వారు పూర్తిగా తమతో తాము గడుపుతారు. ఇక
యోగా, ధ్యానం కూడా మహిళలకి ఒక ప్రియమైన అలవాటు. 10 శాతం మంది మహిళలు ఒంటరిగా ఉన్నప్పుడు తమ మనసును ప్రశాంతంగా ఉంచుకోవడానికి యోగా చేస్తారని చెప్పారు. దీని వల్ల శరీరానికి మాత్రమే కాదు, మనసుకూ శాంతి లభిస్తుంది. ఆ నిశ్శబ్ద క్షణాల్లో వాళ్లు తమలో తాము లీనమైపోతారు.
8 శాతం మహిళలు హోమ్ స్పా చేసుకోవడం లేదా ఫేస్ మాస్క్ వేసుకోవడం చేస్తారని చెప్పారు. ఇది వాళ్లకు స్వీయ సంరక్షణలో భాగం. బయట ప్రపంచం హడావుడికి దూరంగా, అద్దం ముందు తమను తాము మరింత ప్రేమించుకునే సమయంగా ఈ క్షణాలు మారుతాయి. తమ భావాలను బయటపెట్టలేకపోయినప్పుడు, కొందరు డైరీకి చెబుతారు. 2శాతం మహిళలు ఒంటరిగా ఉన్నప్పుడు తమ అనుభూతులను రాసుకోవడం ద్వారా ఉపశమనం పొందుతారని చెబుతున్నారు. ప్రతి పదంలో వారి హృదయం కొట్టుకుంటుంది. ఇది వాళ్లకు మానసికంగా ఒక తేలికను ఇస్తుంది.
షాపింగ్ కూడా మహిళల ఒంటరి సమయానికి విడదీయరాని భాగం. 15 శాతం మహిళలు షాపింగ్ యాప్లలో బ్రౌజ్ చేస్తూ సమయాన్ని గడుపుతున్నారని సర్వే చెబుతోంది. అవసరం లేకపోయినా కొత్త వస్తువులను చూస్తూ, కలలలో ఆ వస్తువులను ధరించుకుంటూ చిన్న చిన్న ఆనందాలు పొందుతున్నారు. పుస్తకాలు చదవడం కూడా చాలా మంది మహిళలకు ఇష్టమైన పని. 5శాతం మహిళలు ఒంటరిగా ఉన్నప్పుడు పుస్తకాల లోకంలో మునిగిపోతారు. కథలు, భావాలు, పాత్రలు వాళ్లను నిజ జీవిత ఒత్తిడినుంచి తాత్కాలికంగా దూరం చేస్తాయి.
15 శాతం మహిళలు పాటలు వింటారు. హెడ్ఫోన్లు పెట్టుకుని, బయట ప్రపంచాన్ని మూసేసుకుని, తమ ఇష్టమైన పాటలతో ఆ క్షణాన్ని ఆస్వాదిస్తారు. అది వారికీ ఒక భావోద్వేగ యాత్రలా ఉంటుంది. 15 శాతం మహిళలు ఒంటరిగా ఉన్నప్పుడు ఫోటోషూట్లు చేస్తారని చెప్పారు. సెల్ఫీలు, స్టైలిష్ పోజులు, కెమెరా ముందు తమలోని ఆనందాన్ని వ్యక్తపరుస్తారు. ఇది వాళ్లకు ఒక రకమైన స్వీయ వ్యక్తీకరణ.
ఈ చిన్న చిన్న అలవాట్లు బయటికి చాలా సాదాసీదాగా కనిపించినా, వాటి వెనుక భావోద్వేగం చాలా లోతుగా ఉంటుంది. ఒంటరిగా ఉన్నప్పుడు ఈ పనులు వాళ్లకు స్వేచ్ఛను, ప్రశాంతతను, తామే తాము అర్థం చేసుకునే సమయాన్ని ఇస్తాయి. మొత్తానికి మహిళలు ఒంటరిగా ఉన్నప్పుడు కేవలం సమయం గడపడం కాదు, తమలోని సంతోషాన్ని కనుగొంటున్నారు. ఆ క్షణాల్లో వారే వారి ప్రపంచం… అదే ఈ సర్వే చెబుతున్న అసలు సందేశం.