Galla Ashok: గతవారం మూడు సినిమాలు థియేటర్లలో విడుదలైన విషయం తెలిసిందే. ఈ సినిమాలు ఒక్కొక్క సినిమా ఒక్కో విధమైన ఫలితాలను రాబట్టుకున్నాయి. వాటిలో టాలీవుడ్ హీరో సూపర్ స్టార్ మహేష్ బాబు మేనల్లుడు గల్లా అశోక్ నటించిన దేవకీ నందన వాసుదేవ సినిమా కూడా ఒకటి. భారీ అంచనాల నడుమ విడుదలైన ఈ సినిమాకు మొదటిరోజు ఊహించని విధంగా డీసెంట్ టాక్ ను తెచ్చుకుంది. ఇక ఈ సినిమాలో అశోక్ ఎమోషన్స్ ని బాగానే పలికించారు. దిగాకుండా తన నటనతో, లుక్స్ తో ప్రేక్షకులను బాగానే ఆకట్టుకున్నారు.
అయితే అశోక్ గత సినిమా అయిన హీరో మూవీ తో పోలిస్తే ఈ మూవీకి పరిణితి బాగా చెందాడని చెప్పాలి. ఇది ఇలా ఉంటే ఈ సినిమా విడుదలైన మొదటి రోజు అంతంత మాత్రంగానే కలెక్షన్స్ ఉండగా రెండో రోజు ఊహించని విధంగా కలెక్షన్స్ పుంజు కున్నాయి. మూడో రోజు నుంచి మరింత ఎక్కువ కలెక్షన్స్ రావడం మొదలయ్యాయి. దీంతో ఈ సినిమా ప్రమోషన్స్ లో మొదటి నెమ్మదించిన మూవీ మేకర్స్ కలెక్షన్లు పెరగడంతో సినిమాను మరింతగా ప్రేక్షకులలోకి తీసుకెళ్లడానికి ప్రమోషన్స్ కార్యక్రమాలలో స్పీడ్ ని పెంచారు. ముఖ్యంగా బీ,సీ సెంటర్స్ లో దేవకీ నందంన వాసుదేవ వీకెండ్స్ హౌస్ ఫుల్ బోర్డ్స్ కనిపించాయి.
ఇక వర్కింగ్ డేస్ లోనూ డీసెంట్ కలెక్షన్స్ వసూలు చేస్తోంది. కమర్షియల్ సినిమా కి డివోషనల్ టచ్ ఇవ్వడం భారీ యాక్షన్ సీన్స్ మాస్ ఆడియన్స్ ను విశేషంగా ఆకట్టుకున్నాయి. ఈ సినిమాకు మంచి సక్సెస్ టాక్ అవడంతో పాటు ప్రస్తుతం కలెక్షన్ల వర్షం కురిపిస్తుండడంతో హీరో గల్లా అశోక్ ప్రస్తుతం రెండు తెలుగు రాష్ట్రాలలో సక్సెస్ టూర్ చేపట్టాడు. నెమ్మదిగా ఈ సినిమాకు ప్రేక్షకులు బ్రహ్మరథం పడుతున్నారు. అందులో భాగంగానే థియేటర్స్ విజిట్ చేస్తున్నాడు. ఆ ఊరు ఈ ఊరు అని తేడా లేకుండా ఈ సక్సెస్ టూర్ లో గల్లా అశోక్ కు ప్రేక్షకులు బ్రమ్మరథం పడుతున్నారు. అయితే ఈ వారం మరే ఇతర సినిమాలు లేకపోవడంతో దేవకి నందన మరింత కలెక్షన్స్ రాబట్టే అవకాశం ఉన్నట్లు తెలుస్తోంది. మొత్తానికి ఈ సినిమా సక్సెస్ అవడంతో మూవీ మేకర్ ఈ సినిమా సక్సెస్ ని ఎంజాయ్ చేస్తూనే మరోవైపు ఈ సినిమాను మరింత ప్రమోట్ చేస్తున్నారు.