Prabhas – Thaman: టాలీవుడ్ మ్యూజిక్ డైరెక్టర్ థమన్ ప్రస్తుతం వరుస అవకాశాలతో దూసుకు పోతున్నాడు. అల వైకుంఠపురములో సినిమా తర్వాత అదే జోష్ తో దూసుకుపోతున్నాడు. ఇటీవలే అఖండ సినిమాకు బ్యాక్ గ్రౌండ్ మ్యూజిక్ ను అందించిన విషయం తెలిసిందే. ఈ సినిమాతో తన ప్రతిభ ఎంతో మరొకసారి పెంచుకున్నాడు థమన్. ఇక తమ తర్వాత సినిమాలు అంతకు మించి అనే విధంగా ఉంటాయని అర్థమవుతోంది. ఇకపోతే థమన్ బ్యాగ్రౌండ్ మ్యూజిక్ కు స్పెషలిస్ట్ గా బ్రాండ్ క్రియేట్ చేసుకోవడంతో పెద్ద సినిమా వాళ్ళు ఇప్పుడు థమన్ కావాలని అంటున్నారు.
ఈ నేపథ్యంలోనే ఇటీవలే రాధేశ్యామ్ చిత్ర బృందం థమన్ ను సంప్రదించింది. రాధేశ్యామ్ సినిమాకు సౌత్ లో ఒకరు నార్త్ లో ఒకరు పాటలకు కంపోజ్ చేసిన విషయం తెలిసిందే. ఇక బ్యాక్ గ్రౌండ్ మ్యూజిక్ కోసం థమన్ చేశారు చిత్ర బృందం. ఇక థమన్ ఏ సినిమాకు సగం సగం పనులు చేయను అంటూ స్ట్రాంగ్ కౌంటర్ ఇచ్చిన విషయం తెలిసిందే. ఇప్పుడు మళ్లీ అదే రాదే శ్యామ్ సినిమా కోసం ఎందుకు పని చేయాల్సి వస్తుంది అన్న వార్తలకు తెలివిగా సమాధానం ఇచ్చాడు థమన్. అఖండ సినిమా చూసిన వారందరూ బ్యాగ్రౌండ్ మ్యూజిక్ గురించి మాట్లాడుకుంటున్నారు.
నేను కేవలం ఇలాంటి సినిమాలే చేయగలను అన్న ముద్ర పడుతోంది. కాబట్టి రాధేశ్యామ్ లాంటి లవ్ స్టోరీ సినిమా చేయాల్సిన అవసరం ఉంది.. అంటూ థమన్ క్లారిటీ ఇచ్చాడు. ఇక ప్రస్తుతం థమన్ చేతినిండా భారీ ప్రాజెక్టులు ఉన్నాయి. భీమ్లా నాయక్, సర్దార్ వారి పాట,గని, గాడ్ ఫాదర్, ఆర్సి 15, తలపతి 66 ఇలాంటి సినిమాలతో పాటు మరికొన్ని చిన్న చిన్న సినిమాలకు కూడా థమన్ మ్యూజిక్ అందిస్తున్నాడు. కేవలం తెలుగులో మాత్రమే కాకుండా తమిళ సినిమాలకు కూడా థమన్ గ్రీన్ సిగ్నల్ ఇచ్చినట్టు తెలుస్తోంది.