Akhil: టాలీవుడ్ హీరో అక్కినేని నటించిన మోస్ట్ ఎలిజిబుల్ బ్యాచిలర్ సినిమా ఇటీవలే విడుదలైన విషయం తెలిసిందే. ఇక ఈ సినిమా విడుదల అయ్యే స్థాయిలో విజయాన్ని అందుకుందో మనందరికీ తెలిసిందే. ఈ సినిమా కంటే ముందు అఖిల్ నటించిన మూడు సినిమాలు కూడా వరుసగా డిజాస్టర్స్ గా నిలిచాయి. ఇక మోస్ట్ ఎలిజిబుల్ బ్యాచిలర్ సినిమాతో ఊహించని విధంగా మంచి సక్సెస్ ను అందుకున్నాడు. ఈ సినిమా విడుదల అయి సూపర్ హిట్ టాక్ ను అందుకోవడమే కాకుండా బాక్సాఫీస్ వద్ద కలెక్షన్ల వర్షం కురిపించింది.
ఇక ఈ సినిమాతో దర్శకుడు బొమ్మరిల్లు భాస్కర్ కూడా మళ్లీ ఫామ్ లోకి వచ్చాడు. ఇక ప్రస్తుతం బొమ్మరిల్లు భాస్కర్ గీతా ఆర్ట్స్ లో మరొక పెద్ద హీరోతో సినిమా చేయడానికి ప్రయత్నిస్తున్నట్లు తెలుస్తోంది. ఇకపోతే అఖిల్ నటిస్తున్న ఏజెంట్ సినిమా విషయానికి వస్తే ప్రస్తుతం సోషల్ మీడియాలో వినిపిస్తున్న కథనాల ప్రకారం.. దర్శకుడు సురేందర్ రెడ్డి స్క్రిప్ట్ లో కొన్ని కీలకమైన మార్పులు చేస్తునట్లు తెలుస్తోంది. అఖిల్ ఈ సినిమాలో ఒక పవర్ఫుల్ గూడచారి పాత్రలో కనిపించబోతున్నాడని సమాచారం. ఇక దర్శకుడు సురేందర్ రెడ్డి గతంలో ఎలా అయితే పవర్ ఫుల్ సినిమాలతో ఆకట్టుకున్నాడో, ఇక ఈ సినిమాలో కూడా అదేవిధంగా అంతకుమించి ఆకట్టుకుంటాడు అని వార్తలు వినిపిస్తున్నాయి.
ఈ సినిమాకు కథా రచయిత వక్కంతం వంశీ స్టోరీని అందించిన విషయం తెలిసిందే. ఇక ఈ సినిమా తప్పకుండా అన్ని వర్గాల ప్రేక్షకులను అలరిస్తుంది అని చిత్ర యూనిట్ బలంగా నమ్ముతున్నారు. అన్ని అనుకున్నట్లుగా జరిగి ఉంటే ఈ సినిమాను గత ఏడాది డిసెంబర్ లోనే ప్రేక్షకుల ముందుకు తీసుకురావాలి అని అనుకున్నారు. కానీ కరోనా మహమ్మారి వల్ల ఈ సినిమా వాయిదా పడుతూ వచ్చింది. ఇది ఇలా ఉంటే ఇటీవలే దర్శకుడు సురేందర్ రెడ్డి కి కరోనా పాజిటివ్ రావడంతో ఈ సినిమా షూటింగ్ మరొకసారి వాయిదా పడింది. ఇక ఈ గ్యాప్ లోనే సినిమా స్క్రిప్ట్ లో కొన్ని మార్పులు చేస్తున్నట్లుగా తెలుస్తోంది. క్లైమాక్స్ లో వచ్చే సన్నివేశాల విషయంలో సురేందర్ రెడ్డి పలు కీలక మార్పులు చేస్తున్నట్లు తెలుస్తోంది.