Sunil: హీరోగా రెండు సినిమాలకు గ్రీన్ సిగ్నల్ ఇచ్చిన సునీల్..?

By Kalpana on

Sunil: తెలుగు సినీ ప్రేక్షకులకు కమెడియన్ సునీల్ గురించి ప్రత్యేకంగా పరిచయం అక్కర్లేదు. ఒకప్పుడు టాలీవుడ్ లో స్టార్ కమెడియన్ గా పేరు తెచ్చుకున్నాడు సునీల్. ఆ తర్వాత దర్శక ధీరుడు రాజమౌళి తెరకెక్కించిన మర్యాద రామన్న సినిమా తో హీరోగా సూపర్ డూపర్ హిట్ ను అందుకున్నాడు.

 

ఆ తర్వాత భీమవరం బుల్లోడు, పూలరంగడు, జక్కన్న, ఉంగరాల రాంబాబు లాంటి సినిమాలలోనటించి మంచి గుర్తింపు తెచ్చుకున్నాడు. ఆ తర్వాత పెద్దగా సినిమాల్లో నటించలేదు.ఇదిలా ఉంటే సునీల్ తాజాగా హీరోగా రెండు సినిమాలకు గ్రీన్ సిగ్నల్ ఇచ్చినట్టు తెలుస్తోంది. తాజాగా సునీల్ పుట్టినరోజు సందర్భంగా తను హీరోగా నటిస్తున్న సినిమాలను ప్రకటించాడు.

 

తన ట్విట్టర్ అకౌంట్ లో రెండు సినిమాలకు సంబంధించిన పోస్టర్లను అభిమానులతో పంచుకున్నాడు. అందులో ఒకటి జి.నాగేశ్వరరెడ్డి దర్శకత్వంలో తెరకెక్కుతున్న బుజ్జి ఇలారా సినిమా. రెండవది అభిరాం దర్శకత్వంలో కుంభకర్ణ సినిమా. ఇక బుజ్జి ఇలారా సినిమాలో సునీల్ పోలీస్ పాత్రలో నటిస్తుండగా, కుంభకర్ణ సినిమాలో సూర్య దేవ్ పాత్రలో అలరించనున్నాడు.