స్టార్ హీరో బాలకృష్ణ ఎంచుకునే కథలు ఇతర స్టార్ హీరోలు ఎంచుకునే కథలకు భిన్నంగా ఉంటాయనే సంగతి తెలిసిందే. మాస్ మసాలా కథలకు బాలకృష్ణ ఎంతగానో ప్రాధాన్యత ఇస్తారు. అయితే గత రెండు దశాబ్దాలలో బాలయ్య నటించిన సినిమాలలో ఎక్కువ సినిమాలు ఫ్లాపయ్యాయి. కథల ఎంపిక, దర్శకుల ఎంపికలో బాలయ్య చేసిన తప్పులు ఈ సినిమాలు ఫ్లాప్ కావడానికి కారణమని సమాచారం అందుతోంది.
సమరసింహా రెడ్డి, నరసింహ నాయుడు సినిమాలతో బ్లాక్ బస్టర్ హిట్లు అందుకున్న బాలయ్య నరసింహ నాయుడు తర్వాత నటించిన భలే వాడివి బాసూ, సీమ సింహం సినిమాలు డిజాస్టర్లు అయ్యాయి. చెన్నకేశవ రెడ్డి సినిమా యావరేజ్ రిజల్ట్ ను సొంతం చేసుకోగా పలనాటి బ్రహ్మనాయుడు సినిమాతో బాలయ్య ఖాతాలో మరో డిజాస్టర్ చేరింది. లక్ష్మీ నరసింహ సినిమాతో బాలయ్య హిట్ సాధించగా విజయేంద్ర వర్మ సినిమాతో మరో ఫ్లాప్ చేరింది.
ఆ తర్వాత బాలయ్య నటించిన అల్లరి పిడుగు, వీరభద్ర, మహారథి, ఒక్క మగాడు, పాండురంగడు, మిత్రుడు సినిమాలు సైతం డిజాస్టర్లుగా నిలిచాయి. బాలయ్య కెరీర్ విషయంలో ఇబ్బందులు ఎదుర్కొంటున్న సమయంలో సింహా సినిమాతో బోయపాటి శ్రీను బాలయ్యకు సక్సెస్ రావడానికి కారణమయ్యారు. అయితే సింహా తర్వాత కూడా బాలయ్య నటించిన కొన్ని సినిమాలు ఫ్లాప్ అయ్యాయి.
సింహా సక్సెస్ తర్వాత పరమవీర చక్ర, శ్రీరామ రాజ్యం, ఊ కొడతారా ఉలిక్కిపడతారా, అధినాయకుడు, శ్రీమన్నారాయణ సినిమాలతో బాలయ్య ఖాతాలో ఫ్లాపులు చేరాయి. లెజెండ్ సినిమాతో బాలయ్య సక్సెస్ ట్రాక్ లోకి వచ్చినా లయన్, డిక్టేటర్ సినిమాలతో బాలయ్య ఖాతాలో ఫ్లాపులు చేరాయి. గౌతమీపుత్ర శాతకర్ణి సినిమాతో బాలయ్య సక్సెస్ సాధించినా పైసా వసూల్, జై సింహా, ఎన్టీఆర్ కథానాయకుడు, ఎన్టీఆర్ మహానాయకుడు సినిమాలతో, రూలర్ సినిమాతో బాలయ్య ఖాతాలో ఫ్లాపులు చేరాయి. అఖండ సినిమాతో బాలయ్య సక్సెస్ సాధించి రికార్డులు క్రియేట్ చేశారు. గత 20 ఏళ్లలో బాలయ్య నటించిన సినిమాలలో ఫ్లాపైన సినిమాలే ఎక్కువగా ఉండటం గమనార్హం.