Sreeleela: టాలీవుడ్ యంగ్ హీరోయిన్, ముద్దుగుమ్మ శ్రీ లీల గురించి ప్రత్యేకంగా చెప్పనక్కర్లేదు. ప్రస్తుతం తెలుగు సినిమా ఇండస్ట్రీలో ఉన్న ది మోస్ట్ క్రేజియస్ట్ హీరోయిన్లలో ఈ ముద్దుగుమ్మ కూడా ఒకరు. సినిమా ఇండస్ట్రీకి ఎంట్రీ ఇచ్చిన అతి తక్కువ సమయంలోనే మహేష్ బాబు,రామ్ పోతినేని, రవితేజ, నితిన్ వంటి హీరోల సరసన నటించి మంచి గుర్తింపు తెచ్చుకుంది. అయితే వరుసగా అవకాశాలు క్యూ కట్టినప్పటికీ ఆ సినిమాలు ఆశించిన స్థాయిలో గుర్తింపు తెచ్చే పెట్టలేకపోయాయి.
దీంతో కాస్త గ్యాప్ తీసుకునే శ్రీ లీల ఇప్పుడు పుష్ప 2 సినిమాలో ఒక ఐటమ్ సాంగ్ తో ప్రేక్షకులను పలకరించడానికి సిద్ధంగా ఉంది. కిస్సిక్ అనే ఈ స్పెషల్ సాంగ్ ఆదివారం నవంబర్ 24న రిలీజ్ కానుంది. ఇప్పటికే ఈ సాంగ్ కి సంబంధించిన పోస్టర్, ప్రోమోకు అభిమానుల నుంచి ఊహించని రెస్పాన్స్ వచ్చింది. ఇప్పుడు ఈ కిస్సిక్ సాంగ్ ఎప్పుడెప్పుడు వస్తుందా అని ఎంతో ఆసక్తిగా ఎదురు చూస్తున్నారు సినీ ప్రేక్షకులు, అభిమానులు. అయితే ఈ సాంగ్ రిలీజ్ కు మరికొన్ని గంటల సమయం ఉండగా శ్రీ లీల సడెన్ గా కాశీలో ప్రత్యక్షమైంది.
అక్కడ తన తల్లి స్వర్ణలతతో కలిసి ప్రత్యేక పూజలు చేసింది. అలాగే పవిత్ర గంగా ఘాట్ ను కూడా దర్శించుకుంది. అయితే సడెన్ గా శ్రీలీల కాశీలో ఎందుకు పూజలు చేయాల్సిందో తెలియడం లేదు. కానీ ఇందుకు సంబంధించిన ఫొటోలు, వీడియోలు మాత్రం సోషల్ మీడియాలో బాగా వైరల్ అవుతున్నాయి. అయితే ఆమె నటించిన ఐటమ్ సాంగ్ బాగా హిట్ అయ్యి తనకు మరిన్ని మంచి మంచి అవకాశాలు రావాలని కోరుకోవడం కోసమే ఇలా కార్తీకమాసంలో కాశీకి వెళ్లినట్టు తెలుస్తోంది. ప్రస్తుతం శ్రీ లీల ఉన్న పొజిషన్లో ఒక్క సినిమా హిట్ అయితే ఆమెకు మళ్ళీ వరుసగా అవకాశాలు క్యూ కట్టడం కాదు. మరి ఈ ఐటెం సాంగ్ ఎలా ఉంటుందో ఆమెకు ఏ మేరకు గుర్తింపును తెచ్చి పెడుతుందో చూడాలి మరి..