Sreeleela: టాలీవుడ్ యంగ్ హీరోయిన్ శ్రీ లీల గురించి ప్రత్యేకంగా పరిచయం అక్కర్లేదు. శ్రీ లీల ప్రస్తుతం బ్యాక్ టు బ్యాక్ సినిమాలలో నటిస్తూ దూసుకుపోతున్న విషయం తెలిసిందే. పెళ్లి సందడి మూవీతో సినిమా ఇండస్ట్రీకి ఎంట్రీ ఇచ్చిన ముద్దుగుమ్మ ఆ తర్వాత బ్యాక్ టు బ్యాక్ సినిమాలలో నటించింది. తక్కువ సమయంలోనే ఎక్కువ సినిమాలలో నటించినప్పటికీ ఆశించిన స్థాయిలో గుర్తింపు దక్కలేదు. దాంతో కాస్త గ్యాప్ తీసుకున్న శ్రీలీల ఇటీవలే అల్లు అర్జున్ హీరోగా నటించిన పుష్ప 2 సినిమాలో ఐటమ్ సాంగ్ తో రీ ఎంట్రీ ఇచ్చిన విషయం తెలిసిందే. ఈ సాంగ్ గురించి పక్కన పెడితే ఈ ఐటమ్ సాంగ్ చేసినందుకు ఈ ముద్దుగుమ్మకు భారీగా గుర్తింపు దక్కిందని చెప్పాలి.
ఈ పాట ఏ ముహూర్తాన విడుదల అయిందో కానీ అప్పటి నుంచి సోషల్ మీడియా మొత్తం శ్రీలీల క్రేజ్ కనిపిస్తోంది. ఇకపోతే 2022 నుండి మొదలు పెట్టి 2023 వరకు వరుస సినిమాల్లో నటించిన ఈ భామ 2024లో కాస్త గ్యాప్ తీసుకుంది. ప్రస్తుతం ఆమె ఎంబీబీస్ చేస్తుంది. ఎంబీబీస్ ఎగ్జామ్స్ ఉండడం వల్లే ఆమె ఈ ఏడాది సరిగ్గా సినిమాలు చేయలేదట. ఈ విషయాన్ని స్వయంగా శ్రీలీల తెలిపింది. ఈ ఏడాది కేవలం గుంటూరు కారం, భగవంత్ కేసరి సినిమాతో ఆడియన్స్ ముందుకు వచ్చింది. అలాగే ఇటీవల విడుదలైన పుష్ప 2 సినిమాలో కిస్సిక్ అనే ఐటెం సాంగ్ లో కనిపించింది.
అయితే ఈ ఏడాది పెద్దగా సినిమాలతో అలరించలేక పోయినప్పటికీ వరుస సినిమాలకి గ్రీన్ సిగ్నల్ ఇచ్చింది ఈ ముద్దుగుమ్మ. వచ్చే ఏడాది బ్యాక్ టు బ్యాక్ సినిమాలతో రాబోతుంది. అలాగే బాలీవుడ్ కి కూడా ఎంట్రీ ఇవ్వబోతున్నట్టు తెలుస్తోంది. శ్రీలీల నితిన్ తో రాబిన్ హుడ్, రవితేజతో మాస్ జాతర, పవన్ కళ్యాణ్ తో ఉస్తాద్ భగత్ సింగ్ సినిమాలు చేస్తోంది. ఇక ఈ సినిమాలు 2025లో విడుదల కానున్నాయి. అలాగే టాలీవుడ్ యువ సామ్రాట్ నాగ చైతన్య నటించబోయే ఒక సినిమాలో, అఖిల్ చెయ్యనున్న సినిమా, నవీన్ పోలిశెట్టి తో ఒక చిత్రం, సిద్ధు జొన్నల గడ్డ చేస్తున్న కోహినూర్ సినిమాలో కూడా నటిస్తోంది. ఈ సినిమాలకి సంబందించిన అప్డేట్స్ అన్ని కూడా ఒకదాని వెంట ఒకటి రానున్నాయి. అలా ఈ ఏడాది కాస్త గ్యాప్ తీసుకున్న ఈ బ్యూటీ వచ్చే ఏడాది వరుస సినిమాలతో రానుంది. ప్రస్తుతం ఈ ముద్దుగుమ్మ చేతిలో అరడజనుకు పైగా సినిమాలు ఉన్నట్టు తెలుస్తోంది. మొత్తానికి శ్రీ లీలకు ఈ ఐటెం సాంగ్ బాగానే కలిసి వచ్చిందని చెప్పాలి. ఈ ఒక్క సాంగ్ తో మళ్లీ ఫామ్ లోకి వచ్చింది శ్రీ లీల. దీంతో ఈ అమ్ముడుకి వరుసగా అవకాశాలు క్యూ కడుతున్నాయి.