Sreeleela: సుకుమార్ దర్శకత్వంలో అల్లు అర్జున్ హీరోగా నటించిన పుష్ప 2 సినిమా డిసెంబర్ 5వ తేదీన గ్రాండ్ గా విడుదల కానున్న విషయం తెలిసిందే. విడుదల తేదీకి మరి కొద్ది రోజులే సమయం ఉండడంతో ప్రస్తుతం ఎక్కడ చూసినా కూడా ఈ సినిమా పేరు మారుమోగుతోంది. అంతేకాకుండా విడుదల దగ్గర పడుతున్న కొద్ది మూవీ మేకర్స్ ఈ సినిమా ప్రమోషన్స్ ని వేగవంతం చేయడంతో పాటు బ్యాక్ టు బ్యాక్ సినిమా అప్డేట్ లనీ విడుదల చేస్తూ అంచనాలను మరింత పెంచేస్తున్నారు. అందులో భాగంగానే ఇటీవల పుష్ప 2 సినిమా నుంచి శ్రీ లీల చేసిన కిస్సిక్ అనే ఐటమ్ సాంగ్ ని చేసిన విషయం తెలిసిందే.
ఈ సాంగ్ లో అల్లు అర్జున్ సరసన శ్రీలీల డ్యాన్స్ చేసి అదరగొట్టేసింది. తన అద్భుతమైన డ్యాన్స్ పర్ఫామెన్స్ తో ప్రేక్షకులను కూడా ఆకట్టుకుంది.. శ్రీలీల డ్యాన్స్ అదరగొడుతుందని తెలిసిందే. అయితే ఐటెం సాంగ్ ఒప్పుకొని చేయడంతో అంతా ఆశ్చర్యపోతున్నారు. సాధారణంగా హీరోయిన్స్ ఐటెం సాంగ్స్ చేస్తే రెమ్యునరేషన్స్ ఎక్కువే ఉంటుంది. ఒక సినిమాకు తీసుకునే రెమ్యునరేషన్ ఒక పాటకు తీసుకుంటారు. అయితే గతంలో పుష్ప 1 కి సమంత ఊ అంటావా ఊ ఊ అంటావా పాటకి 3 కోట్లు అందుకుంది అంటూ వార్తలు వినిపించాయి. దీంతో శ్రీలీలకు కూడా ఇప్పుడు భారీగానే ముట్టిందంటూ వార్తలు జోరుగా వినిపించిన విషయం తెలిసిందే.
అయితే తాజాగా నేడు నితిన్ రాబిన్ హుడ్ సినిమా ప్రెస్ మీట్ జరగగా ఆ ఈవెంట్ కి శ్రీలీల కూడా వచ్చింది. అయితే ఈ సినిమాలో శ్రీ లీల హీరోయిన్గా నటించిన విషయం తెలిసిందే. ఈ ఈవెంట్ లో శ్రీలీలకు పుష్ప 2 స్పెషల్ సాంగ్ రెమ్యునరేషన్ పై ప్రశ్న ఎదురైంది. దీనికి శ్రీలీల సమాధానమిస్తూ.. అసలు ఇప్పటి దాకా నిర్మాతలకు నాకు మధ్య రెమ్యునరేషన్ టాపిక్ రాలేదు అని తెలిపింది. మైత్రి నిర్మాతలు కూడా మాట్లాడుతూ.. అసలు శ్రీలీలతో మేము ఇంకా రెమ్యునరేషన్ గురించి మాట్లాడలేదు అని చెప్పారు.
దీంతో శ్రీలీల ప్రస్తుతానికి రెమ్యునరేషన్ లేకుండానే ఈ కిస్సిక్ సాంగ్ చేసినట్లు తెలుస్తోంది. అయితే సినిమా విడుదల అయిన తర్వాత రెమ్యూనరేషన్ తీసుకుంటుందా, లేకుంటే ఈ సినిమాకు అసలు రెమ్యూనరేషన్ తీసుకోదా అన్న విషయం ఆసక్తికరంగా మారింది. అల్లు అర్జున్, పుష్ప 2 సినిమా అని శ్రీలీల వెంటనే ఒప్పేసుకుందట. ప్రస్తుతానికి రెమ్యునరేషన్ తీసుకోకుండా ముందు సాంగ్ షూట్ చేసేసినా తర్వాత మాత్రం రెమ్యునరేషన్ తీసుకుంటుంది. మూవీ యూనిట్ అంతా సినిమా రిలీజ్ హడావిడిలో ఉండటంతో సినిమా రిలీజ్ అయ్యాక శ్రీలీల రెమ్యునరేషన్ కొలిక్కి వస్తుందని తెలుస్తోంది.