Singer Sunitha: తెలుగు సినీ ప్రేక్షకులకు సింగర్ సునీత గురించి ప్రత్యేకంగా పరిచయం అక్కర్లేదు. తన మధురమైన తియ్యని స్వరంతో ఎన్నో పాటలను పాడి ఎంతో మందిని ఆకట్టుకుంది. సునీత కేవలం సింగర్ గా మాత్రమే కాకుండా డబ్బింగ్ ఆర్టిస్టుగా కూడా గుర్తింపు తెచ్చుకుంది. ఇక అప్పట్లో హీరోయిన్ లకు ఈమె డబ్బింగ్ చెప్పేవారు. సునీత సోషల్ మీడియాలో యాక్టివ్ ఉంటూ తనకు సంబంధించిన ప్రతి ఒక్క విషయాన్ని తన అభిమానులతో పంచుకుంటూ ఉంటుంది. ఇక సునీత రెండో పెళ్లి తర్వాత ఆమె అభిమానులకు మరింత దగ్గర అయ్యింది. ఇకపోతే ఇదిలా ఉంటే తాజాగా సునీత ఒక వీడియోని షేర్ చేయగా అది కాస్త వైరల్ అవుతుంది.
సునీత చేసిన ఆ వీడియోలో ఒక చిన్నారి సునీత ఆలపిస్తున్న ఒక సాంగ్ ని చూసి మై మరచి పోయింది. ఆ వీడియోలో సునీత క్రిమినల్ సినిమాలోని తెలుసా మనసా అనే పాట పాడుతుంది. సునీత పాట పాడుతూ ఒక చిన్నారిని సమ్మోహనపరిచింది. ఈ వీడియో చూసి చిన్న పిల్లలు కూడా తన పాటలు వింటూ ఆస్వాదిస్తున్నారని ఆమె మంత్రముగ్దురాలు అయ్యింది. ఆహా ఏమి ఈ భాగ్యం..నాకు ఈ అద్భుతం ఇచ్చిన దేవుడికి ధన్యవాదాలు అని ఈ వీడియోని సునీత షేర్ చేసింది. ఈ వీడియోని చూసిన సునిత అభిమానులు ఫిదా అవుతున్నారు.
ఈ వీడియో పై కొందరు నెటిజన్లు వేల సంవత్సరాల తరువాత కూడా మీ పాటల గురించి మాట్లాడతారు అని కామెంట్ చేస్తున్నారు. సునీత ఆలపించిన ఆ సాంగ్ సిరివెన్నెల సీతారామశాస్త్రి సాహిత్యం అందించగా కె ఎస్ చిత్ర, ఎస్పీ బాలసుబ్రమణ్యం గాత్ర దానం చేసిన ఈ పాట ఎంత హిట్ అయ్యిందో మనందరికీ తెలిసిందే . ఈ పాట లోని హమ్మింగ్ తెలుసా మనసా పాట కోసం అద్భుతంగా రీ క్రియేట్ చేసి ప్రాణం పోసింది కె.ఎస్.చిత్ర. అందువల్లే ఆ పాట కూడా అదే స్థాయిలో హిట్ అయ్యింది.