Veteran Director Passed Away : ఇది వరకు తెలుగు సినిమా దగ్గర ఎన్నో విషాదాలు ఏక కాలంలో చాలా స్వల్ప కాల వ్యవధిలోనే జరుగగా అందరిలో చాలా కంగారు నెలకొంది. ఇప్పుడు కూడా అలాగే గత కొన్ని రోజులు వ్యవధిలోనే టాలీవుడ్ కి చెందిన అనేక మంది సీనియర్ ఇండస్ట్రీ వ్యక్తులే కన్ను మూస్తుండడం షాకింగ్ గా మారుతుంది.
గత వారం రోజులు కితం అలా సీనియర్ నటుడు బాలకృష్ణ కన్ను మూయగా అది మరిచే లోపే నిన్ననే తెలుగు సినిమా ప్రముఖ నిర్మాత మరియు డిస్ట్రిబ్యూటర్ నారాయణ్ దాస్ నారంగ్ అనారోగ్య సమస్యలతో కన్నుమూయడం మరో తీరని విషాదంగా మారింది.
మరి జస్ట్ ఇపుడు ఈ ఒక్క రోజు వ్యవధిలోనే మళ్ళీ మరో సీనియర్ వెటరన్ దర్శకుడు కన్ను మూయడం షాకింగ్ గా మరియు విషాదంగా మారింది. “యమగోల”, “ఆలు మగలు”, “జీవన తరంగాలు” లాంటి ఎన్నో హిట్ సినిమాలకు దర్శకత్వం వహించిన తాతినేని రామారావు తన 84వ ఏట కన్ను మూసినట్టుగా సినీ వర్గాలు నిర్ధారించాయి.
ఆయనకి వయసు సంబంధించి అనారోగ్య సమస్యలు ఉండడంతో చెన్నై ఓ మెడికల్ కాలేజ్ లో చికిత్స పొందుతూ కన్ను మూసినట్టుగా తెలిసింది. దీనితో టాలీవుడ్ లో మరో విషాదం నెలకొన్నట్టు అయ్యింది. ఈ వార్త విని పలువురు సినీ తారలు దిగ్బ్రాంతి వ్యక్తం చేస్తున్నారు.