Salaar : ప్యాన్ ఇండియా స్టార్ ప్రభాస్ హీరోగా నటిస్తున్న లేటెస్ట్ భారీ సినిమాల్లో కేజీఎఫ్ ఫేమ్ యంగ్ దర్శకుడు ప్రశాంత్ నీల్ తెరకెక్కిస్తున్న భారీ చిత్రం “సలార్” కూడా ఉంది. దీనిని ప్రభాస్ కెరీర్ లోనే భారీ యాక్షన్ డ్రామా గా నీల్ తెరకెక్కిస్తున్నాడు. మరి నిన్ననే ఈ సినిమా హీరోయిన్ శృతి హాసన్ పై కూడా ఇంట్రెస్టింగ్ అప్డేట్ ని చిత్ర బృందం అందించారు..
మరి ఈ సినిమా అనౌన్స్ అయ్యినప్పుడే అనేక సంచలనాలు రేపిన ఈ చిత్రంపై ఇపుడు ఇండస్ట్రీ వర్గాల నుంచి ఒక క్రేజీ అండ్ బిగ్ బజ్ వినిపిస్తుంది. ఇది మాత్రం ఊహించనిదే అని చెప్పాలి. ఆల్రెడీ కేజీఎఫ్ చాప్టర్ 1 మరియు చాప్టర్ 2 అంటూ ప్రపంచ సినిమా దగ్గర ఇండియన్ సినిమాని ఓ రేంజ్ లో కూర్చోబెట్టిన ప్రశాంత్ నీల్, ఇప్పుడు ప్రభాస్ తో ప్లాన్ చేసిన సలార్ ని కూడా రెండు భాగాలుగా తీయనున్నాడని ఇండస్ట్రీ వర్గాల నుంచి ఇన్సైడ్ టాక్.
ముందే ఇప్పుడు సలార్ పై ఎనలేని హైప్ ఉంది. ఇక దానికి రెండో భాగం అంటే ప్రభాస్ మాస్ స్టామినా ఏంటో అది ఎంతుందో బాక్సాఫీస్ దగ్గర ఒక్క రికార్డు ముక్క కూడా ఉంచకుండా తుడిపేస్తుంది అని చెప్పడంలో ఎలాంటి సందేహం లేదు. ఇక దీనిపై అధికారిక అప్డేట్ మాత్రం రావలసి ఉంది.