Sathyadev: ప్రస్తుతం టాలీవుడ్ సినిమా ఇండస్ట్రీలో యంగ్ హీరోల హవా నడుస్తున్న విషయం తెలిసిందే. యంగ్ హీరోలు కొత్త కొత్త సినిమా కథలను ఎంచుకుంటూ వరుసగా బ్యాక్ టు బ్యాక్ హిట్ లను అందుకుంటున్నారు. ఇంకొందరు హీరోలు సినిమాల రిజల్ట్ ఎలా ఉన్నప్పటికీ అభిమానులను మాత్రం భారీగానే సంపాదించుకుంటున్నారు. అలాంటి వారిలో టాలీవుడ్ యంగ్ హీరో సత్యదేవ్ కూడా ఒకరు. చిన్న చిన్న పాత్రలు చేస్తూనే ఇప్పుడు హీరోగా మారి ఎన్నో సినిమాలలో నటిస్తున్న విషయం తెలిసిందే. జ్యోతిలక్ష్మి సినిమాలో కీలకపాత్రలో నటించి మంచి గుర్తింపు తెచ్చుకున్న సత్యదేవ్ ఆ తర్వాత హీరోగా మారి వరుసగా సినిమాలు చేస్తూ వస్తున్నాడు.
వైవిధ్యమైన కథలను ఎంచుకుంటూ నటుడిగా నిరూపించుకుంటూ దూసుకుపోతున్నాడు సత్యదేవ్. హీరోగానే కాదు విలన్ గా కూడా మెప్పిస్తున్నాడు. ఇటీవల చిరంజీవి హీరోగా నటించిన గాడ్ ఫాదర్ సినిమాలో నెగిటివ్ రోల్ చేసి ఆకట్టుకున్న విషయం తెలిసిందే. అందులో మెగాస్టార్ సైతం సత్యదేవ్ నటనను మెచ్చుకున్నారు. ఇక ఇప్పుడు జీబ్రా అనే సినిమాతో ప్రేక్షకుల ముందుకు రాబోతున్నాడు సత్యదేవ్. ఈ సినిమా కూడా డిఫరెంట్ కథతో తెరకెక్కింది. ఇటీవలే ఈ సినిమా నుంచి ట్రైలర్ ను విడుదల చేశారు. అలాగే హాలీవుడ్ మూవీ ముఫాసాలో మహేష్ బాబు మెయిన్ పాత్రకు వాయిస్ ఇవ్వగా మహేష్ అపోజిట్ పాత్రకు సత్యదేవ్ వాయిస్ ఇస్తున్నారు. ఇదిలా ఉంటే తాజాగా సత్యదేవ్ మాట్లాడుతూ..
కొన్ని ఆసక్తికర కామెంట్స్ చేశారు. ముఫాసా సినిమాకి మహేష్ అపోజిట్ క్యారెక్టర్ కి డబ్బింగ్ చెప్పడం మంచి ఎక్స్ పీరియన్స్ అని సత్యదేవ్ అన్నారు. అలాగే తాను నటించిన బ్లఫ్ మాస్టర్ సినిమా కరెక్ట్ గా హిట్ అయ్యుంటే ఈ పాటికి తన రేంజ్ వేరేలా ఉండేదనిఅన్నారు సత్య దేవ్. కాగా ఈ సినిమా థియేటర్స్ లో అంతగా ఆకట్టుకోలేకపోయినప్పటికి, ఓటీటీలో యూట్యూబ్ లో ఈ సినిమాకు మంచి ఆదరణ లభించిన విషయం తెలిసిందే. ఇకపోతే సత్యదేవ్ జీబ్రా సినిమా ఈనెల 22న ప్రేక్షకుల ముందుకు రానుంది.