Samineni’s Self Goal : సామినేని ఉదయభాను.. మాజీ మంత్రి దేవినేని ఉమకి దగ్గరి బంధువుగా చెబుతారుగానీ, దేవినేని ఉమ అంటే సామినేనికి ఒళ్ళు మంట. అయితే, పైకి ఎన్ని తిట్టుకున్నా, తెరవెనుకాల ‘లుకలుకలు’ అన్న విమర్శ సామినేని – దేవినేని కుటుంబాల గురించి తరచూ వినిపిస్తుంటుంది.
కమ్మ సామాజిక వర్గం నుంచి ‘కోటా’ ప్రకారం తనకు మంత్రి పదవి వస్తుందని సామినేని ఫిక్సయిపోయారు. ఈ క్రమంలోనే అధినేత వైఎస్ జగన్ మెప్పు పొందేందుకు బూతులు కూడా షురూ చేశారు. బూతులు మాట్లాడితేనే వైసీపీలో ‘అర్హత’ అన్న విమర్శ ఒకటి వుంది. దానికి తగ్గట్టుగానే సామినేని తనవంతుగా ‘బూతుల’ ప్రయత్నం చేశారు.
పాపం సామినేని ఎంత కష్టపడ్డా ప్రయోజనం లేకుండా పోయింది. వస్తుందనుకున్న మంత్రి పదవి రాకుండా పోయేసరికి సామినేని ఉదయభాను పరిస్థితి అయోమయంగా మారింది. కార్యకర్తలైతే నిరసనలు తెలిపే క్రమంలో తమను తాము కాల్చుకున్నారు. ఇదేం ‘తీవ్రవాదం.?’ అంటూ సామినేనిపై సొంత పార్టీ నుంచి కూడా విమర్శలు వెల్లువెత్తుతున్నాయిప్పుడు.
వైఎస్ జగన్ ఆలోచనలు ఎవరికీ అందవు. సామినేని అసలెలా మంత్రి పదవి వస్తుందని ఆశలు పెట్టుకున్నట్టు.? గత కొంతకాలంగా సామినేని ఉదయభానుపై బోల్డన్ని ఆరోపణలు వస్తున్నాయి.
అన్నీ తవ్వకాలకు సంబంధించినవే. ఎక్కువగా ఈ తవ్వకాల ఆరోపణలు సామినేని ఉదయభాను ఒక్కరిపైనే ఎక్కువగా వున్నాయి వైసీపీకి సంబంధించి.
టీడీపీ నేతలు కొందరితో తెరవెనుకాల కుమ్మక్కయ్యారని వైసీపీ అధిష్టానానికి సమాచారం అందడంతోనే ఆయన్ని పక్కన పెట్టారట.