Samantha Free Hugs: తెలుగు, తమిళ ఆడియెన్స్ ని ఉర్రూతలూగిస్తూ తన మైండ్ బ్లోయింగ్ పెర్ఫార్మెన్స్ తో వయస్సుతో సంబంధం లేకుండా అందర్నీ ఆకట్టుకున్న బ్యూటీ సమంత. ఎప్పుడూ సోషల్ మీడియాలో యాక్టివ్ గా ఈ ముద్దుగుమ్మ ఈ మధ్య ఏం పోస్ట్ చేసినా తెగ వైరల్ అవుతోంది.
ఇక నాగ చైతన్యతో విడాకుల అనంతరం తన కెరీర్ పై దృష్టి పెట్టిన సమంత, దానికి తగ్గట్టే వరుస సినిమాలలో నటిస్తూ భారీ విజయాలను అందిపుచ్చుకుంటుంది. దాంతో ఆమె క్రేజ్ అమాంతం పెరిగిపోయింది. తన టాలెంట్ తో పాన్ ఇండియా రేంజ్ లో ఫ్యాన్స్ ను సంపాదించుకొని, భారీ పారితోషికాన్ని అనుకునే స్టార్ హీరోయిన్స్ జాబితాలో ముందంజలో నిలుస్తోంది. కాగా ఆమె చై తో విడాకుల తర్వాత తన ఇన్స్ స్టా అకౌంట్ లో షేర్ చేస్తున్న పోస్ట్ లపై ఇపుడు భారీగా చర్చ సాగుతోంది. ఈ నేపథ్యంలో ఆమె ఇటీవల చేసిన ఓ పోస్ట్ యూత్ ను విపరీతంగా ఆకర్షిస్తోంది.
ఇక వివరాల్లోకి వెళితే, వైట్ డ్రెస్ తో స్టైలిష్ గా కనిపిస్తూ, పోనీ టెయిల్ వేసుకొని, మేకప్ లేని లుక్ తో ఓ చెట్టును కౌగలించుకొని ఉన్న ఒక ఫొటోను సమంత తాజాగా షేర్ చేస్తూ ఫ్రీ హగ్స్ అనే కామెంట్ ను జత చేసింది. దీనిపై నెటిజన్లు వివిధ రకాలుగా స్పందిస్తూ తమ అభిప్రాయాలను వెల్లడిస్తున్నారు. ఈ పోస్ట్ పై ప్రముఖ నటి రాశీ కన్నా కూడా స్పందిస్తూ ఆవ్ అంటూ కామెంట్ చేశారు. ఇక కొందరైతే మేమూ చెట్లమే అంటూ సమంతను ట్యాగ్ చేస్తున్నారు. మరి కొందరు మాత్రం ప్రకృతి పట్ల ఆమెకున్న ఇష్టాన్ని చూసి ప్రశంసలు కురిపిస్తున్నారు. ఎప్పుడూ గ్లామర్ ఫోటోలతో రెచ్చగొట్టే సమంత, ఇప్పుడిలాంటి పోస్ట్ చేయడంతో అందరూ ఆసక్తిగా ఈ పోస్ట్ ను వీక్షిస్తున్నారు.