Rajamouli- Salman: దర్శక ధీరుడు రాజమౌళి ఎంతో ప్రతిష్టాత్మకంగా తెరకెక్కించిన చిత్రం RRR.ఈ సినిమా జనవరి 7వ తేదీ ప్రేక్షకుల ముందుకు రానున్న నేపథ్యంలో రాజమౌళి గురించి ఓ వార్త సోషల్ మీడియాలో వైరల్ గా మారింది.రాజమౌళి త్వరలోనే బాలీవుడ్ కండల వీరుడు సల్మాన్ ఖాన్ హీరోగా ఓ సినిమా చేయబోతున్నారనే వార్త సోషల్ మీడియాలో వైరల్ గా మారింది. తాజాగా ముంబైలో జరిగిన RRR సినిమా ప్రీ రిలీజ్ వేడుకకు సల్మాన్ ఖాన్ అతిథిగా వచ్చారు. ఈ సినిమాతో ఏ మాత్రం సంబంధం లేని సల్మాన్ ఖాన్ ఈ వేడుకకు రావడంతో అనుమానాలు మరింత పెరిగిపోయాయి.
అయితే గతంలో సల్మాన్ ఖాన్ నటించిన బజరంగీ భాయిజాన్ సినిమా కథను రాజమౌళి తండ్రి విజయేంద్ర ప్రసాద్ అందించడంతో అలా వీరి మధ్య పరిచయం ఉందని ఆ పరిచయం కారణంగానే ఈ కార్యక్రమానికి ముఖ్య అతిథిగా పాల్గొన్నారని,అదేవిధంగా త్వరలోనే రాజమౌళి సల్మాన్ ఖాన్ కోసం ఒక సినిమా కథను కూడా సిద్ధం చేస్తున్నట్లు సోషల్ మీడియాలో వార్తలు వస్తున్నాయి.
ఇక రాజమౌళి సల్మాన్ ఖాన్ కాంబినేషన్ లో సినిమా అంటే ఆ సినిమా ఎలా ఉంటుందో ప్రత్యేకంగా చెప్పాల్సిన పనిలేదు. వీరిద్దరి కాంబినేషన్ అంటే బాక్సాఫీస్ వద్ద రికార్డులు సృష్టించడం ఖాయమని చెప్పవచ్చు. మరి ఈ వార్తలో ఎంతవరకు నిజం ఉందో తెలియాలంటే దర్శకధీరుడు స్పందించాల్సి ఉంది. ఇక ఎన్టీఆర్ రామ్ చరణ్ మల్టీ స్టారర్ గా అత్యంత భారీ బడ్జెట్ చిత్రంగా RRR జనవరి 7వ తేదీ ప్రేక్షకుల ముందుకు రానుంది. ఈ క్రమంలోనే ఈ సినిమా ప్రమోషన్ కార్యక్రమాలను వేగవంతం చేశారు.