RRR At Nizam Area : ప్రస్తుతం ప్రపంచ వ్యాప్తంగా తెలుగు వాడు ఎక్కడున్నా భారీ స్థాయిలో వినిపిస్తున్న సినిమా పేరు ట్రిపుల్ ఆర్(RRR). ఇండియా దిగ్గజ దర్శకుడు ఎస్ ఎస్ రాజమౌళి మెగాపవర్ స్టార్ రామ్ చరణ్ మరియు మరో మాస్ హీరో యంగ్ టైగర్ ఎన్టీఆర్ లతో తెరకెక్కించిన ఈ సినిమా రిలీజ్ అయ్యి వారం అయ్యినా వసూళ్ళ ప్రవాహం మాత్రం తగ్గడం లేదు.
ముఖ్యంగా ఈ శుక్ర శనివారాల్లో అయితే మరింత స్థాయిలో వసూళ్లు పుంజుకుని హిస్టరీ క్రియేట్ చేసింది. మరి లేటెస్ట్ గా అయితే బాహుబలి 2 రికార్డ్స్ ని తెలుగు రాష్ట్రాల్లో కేవలం 9 రోజుల్లోనే బద్దలు కొట్టేసి కొత్త రికార్డులను మించి నమోదు చేస్తుంది. ముఖ్యంగా అయితే నిజాం(తెలంగాణ) లో ఈ చిత్రం చరిత్ర సృష్టించేందుకు రంగం సిద్ధం చేస్తోంది. అక్కడ ఏకంగా 100 కోట్ల ఒక్క షేర్ మాత్రమే అందుకునే దిశగా కొనసాగుతుంది.
ఇది నిజంగా ఒక పెను సంచలనం అని ట్రేడ్ పండితులు కొనియాడుతున్నారు. మాములుగా ఒక సినిమాకి రెండు తెలుగు రాష్ట్రాల్లో మాత్రమే 100 కోట్ల షేర్ ని అందుకోవడం కష్టం.
అలాంటిది ఒక్క రీజన్ లోనే ఈ సినిమా 100 కోట్ల షేర్ దిశగా వెళ్తుంది. ఇప్పటికే 90 కోట్ల షేర్ ని రాబట్టిన ఈ సినిమా ఈరోజు ఆదివారం, ఇక టికెట్ రేట్లు తగ్గాక మరింత స్థాయిలో జనాన్ని లాగుతుంది అని అంటున్నారు. మొత్తానికి అయితే ఇది ఒక ఊహించని చెరగని రికార్డ్ అని చెప్పాలి.
ఇక దీన్ని బద్దలు కొట్టడానికి ఇంకెన్నేళ్ళు పడుతుందో ఏంటో..