RRR Created Indian Record : “ఇప్పుడు మళ్ళీ చాలా కాలం తర్వాత ఓ పక్క సోషల్ మీడియా మరో పక్క ఆఫ్ లైన్ మీడియా అంతా భారీ సినిమా “RRR హీట్” నడుస్తుంది. మెగాపవర్ స్టార్ రామ్ చరణ్ యంగ్ టైగర్ ఎన్టీఆర్ సహా దర్శక ధీరుడు రాజమౌళి ల బాక్సాఫీస్ కల్లోలం ఇప్పుడు మరో స్థాయిలో స్టార్ట్ అయ్యింది.
అయితే మన దగ్గర ఇలాంటి సినిమాలకి సంచలన వసూళ్లు నమోదు అవ్వడం కామన్ కానీ విదేశీ గడ్డపై తెలుగు సినిమా దుమ్ము లేపుతుంది అంటే ఆ మజా వేరే స్థాయిలో ఉంటుంది. ఇప్పుడు సరిగ్గా అదే ఈ భారీ సినిమా చేసి చూపిస్తుంది.
యూఎస్ బాక్సాఫీస్ దగ్గర ఆల్రెడీ భారీ హిట్ బాహుబలి 2 ప్రీమియర్స్ రికార్డుని తుడిచేసి ఈ చిత్రం ఇప్పుడు ఏకంగా 3 మిలియన్ డాలర్స్ కేవలం ప్రీమియర్స్ తోనే అందుకున్నట్టుగా ట్రేడ్ పండిట్స్ కన్ఫర్మ్ చేశారు.
దీనితో మొట్ట మొదటి సారిగా విదేశీ గడ్డపై 3 మిలియన్ మార్కుని అందుకున్న ఏకైక భారతీయ సినిమాగా ట్రిపుల్ ఆర్(RRR) సంచలనం సృష్టించింది అని సినీ వర్గాలు వారు అంటున్నారు. ఇలా మొత్తానికి ఓ సెన్సేషనల్ ఫీట్ ని సృష్టించినట్టు అయ్యింది. మరి మళ్ళీ ఈ ఫీట్ ని ఏ సినిమా ఎన్నేళ్ల తర్వాత క్రాస్ చేస్తుందో చూడాల్సిందే.