జనాలతో నాకేంటి పని అంటూనే అదే జనంతో పని పెట్టుకుంటూ ఉంటాడు దర్శకుడు రామ్ గోపాల్ వర్మ. ఒకప్పుడు సినిమాలతో సెన్సేషన్ సృష్టించి వార్తల్లో ఉన్న ఆయన ఆతర్వాత ఎదుటివారి మీద అనవసర కామెంట్లు చేస్తూ ప్రచారం పొందారు. ఇప్పుడు ఆయన్నుండి మంచి సినిమాలేవీ రావట్లేదు, ఇతరుల మీద ఆయన చేసే కామెంట్లను కూడ జనం పెద్దగా పట్టించుకోవట్లేదు. అందుకేనేమో అమ్మాయిల వెంట పడుతున్నారు. వర్మలో ఎన్నాళ్లగానో గోప్యంగా ఉంటూ వచ్చిన ఈ యాంగిల్ ఇప్పుడు ఓపెన్ అయిపోయింది. ఓపెన్ చేసింది కూడ వర్మనే.
ఏదో రకంగా జనం తన గురించి మాట్లాడుకోవాలనే తపనతో హద్దులు దాటేస్తున్నాడు. కొన్నాళ్లుగా నైనా గంగూలీ, అప్సర రాణిల హాట్ ఫోటోలను షేర్ చేస్తూ వచ్చిన వర్మ మొన్నటికి మొన్న బిగ్ బాస్ ఫేమ్ అరియానాతో జిమ్ వర్కవుట్స్ చేస్తూ ఫోటో వదిలారు. జనం మాట్లాడుకోవడానికి అది సరిపోలేదనుకున్నారో ఏమో కానీ ఇప్పుడు సోనియా నరేష్ కాళ్ళు పట్టేసుకుని ముద్దులు పెట్టుకుంటూ ఫోటోలు దిగి సోషల్ మీడియాలోకి వదిలారు. అది చూసిన నెటిజన్లు ఆయనకు గట్టిగా అక్షింతలు వేస్తున్నారు.
ఆర్జీవీకి సినిమాల మీద ధ్యాస పోయి అమ్మాయిల యావ ఎక్కువైనట్టు ఉందే అంటూ ఎవరి స్టైల్లో వాళ్ళు కామెంట్లు వేస్తున్నారు. ఎవరు ఎన్ని అన్నా వర్మ వాటిలో వెతుక్కునేది పబ్లిసిటీనే కాబట్టి ఆయనకు ఈ అక్షింతలన్నీ ఆనందదాయకాలే.